ଭୁବନେଶ୍ବର: ଝାରପଡା ଜେଲ କାନ୍ଥରେ ଅଜଣା ପୋଷ୍ଟର । ଚିଟଫଣ୍ଡ ଆସାମୀଙ୍କୁ ଜେଲରେ ରାଜକୀୟ ସେବା ମିଳୁଥିବା ନେଇ ପୋଷ୍ଟର ଜରିଆରେ ହୋଇଛି ଅଭିଯୋଗ। ଜେଲରଙ୍କ ବିରୋଧରେ ଖପା ହୋଇ ଜେଲ ସାମ୍ନାରେ ପୋଷ୍ଟର ମାରି ଏମିତି ଅଭିନବ ଢଙ୍ଗରେ ଅଭିଯୋଗ ଆଣିଛନ୍ତି କେହି ଅଭିଯୋଗକାରୀ ।
ଅଭିଯୋଗରେ ଚିଟଫଣ୍ଡ କଏଦୀଙ୍କୁ ସମ୍ମାନ ଦିଆଯାଉଥିବା ଉଲ୍ଲେଖ ରହିଛି । ଏପରିକି ମଦ, ମାଂସ ସହ ସ୍ପେଶାଲ ଟ୍ରିଟମେଣ୍ଟ ମିଳୁଥିବା ବେଳେ ସାଧାରଣ କଏଦୀଙ୍କୁ ଅତ୍ୟାଚାର କରାଯାଉଥିବା କୁହାଯାଇଛି । କେବଳ ଏତିକି ନୁହେଁ ଏସବୁ ପାଇଁ ଜେଲର ଲାଞ୍ଚ ନେଉଥିବା ମଧ୍ୟ ସାଂଘାତିକ ଅଭିଯୋଗ ହୋଇଛି । ତେବେ କିଏ ଓ କେଉଁ ଉଦ୍ଦେଶ୍ୟରେ ପୋଷ୍ଟର ଲଗାଇଛି ତାହା ଜଣାପଡ଼ିନାହିଁ । ସେପଟେ ଏନେଇ ଜେଲ କର୍ତ୍ତୃପକ୍ଷଙ୍କ ପ୍ରତିକ୍ରିୟା ମିଳିପାରିନାହିଁ ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
