ଭୁବନେଶ୍ୱର:ଠିକ ଆଜିର ଦିନରେ ସୁସ୍ଥ ସମାଜର କିଛି ଅମାନବିକତା ପାଇଁ ଅକାଳରେ ଝଡି ଯାଇଥିଲା ଏକ ନିଷ୍ପାପ ଶିଶୁର ଜୀବନ । ଆମେ କହୁଛୁ ସେହି ନୀରିହ ଶିଶୁ ନୀଳ ନୀତିଶ ନାୟକଙ୍କ କଥା, ଯାହାର ଟ୍ରାଫିକ ଜାମ କାରଣରୁ ଡାକ୍ତରଖାନା ଯାଉଥିବା ବାଟରେ ଚାଲି ଯାଇଥିଲା ଜୀବନ । ତେଣୁ ଏପରି ଆଗକୁ ପୁନରାବୃତ୍ତି ନ ହେଉ ବୋଲି ନୀତିଶର ବାପା ଏକ ସଚେତନତା ବାର୍ତ୍ତା ଦେଇଛନ୍ତି ।
'ମୋ ପୁଅ ପରି ନଯାଉ ଆଉ କାହାର ଜୀବନ'
ତେବେ ଟ୍ରାଫିକ ଜାମରେ ଆମ୍ବୁଲାନ୍ସ ଫସିଯିବାରୁ ମାତ୍ର ୬ ବର୍ଷ ଶିଶୁର ଜୀବନ ଗତବର୍ଷ ଫେବୃଆରୀ ୧୧ ତାରିଖରେ ଚାଲିଯାଇଥିଲା । ଆଜିର ଦିନକୁ ସେହି ନିଷ୍ପାପ ଶିଶୁର ବାପା ନିରୋଦ ନାୟକ ମନେପକାଇ ମୋ ପୁଅ ପରି ଆଉ କାହାର ଜୀବନ ଯେମିତି ନଯାଉ ଏହି ବାର୍ତ୍ତା ନେଇ ମାଷ୍ଟର କ୍ୟାଣ୍ଟିନ ଛକରେ ଜନ ସଚେତନତା କରିଥିଲେ । ଏକାମ୍ର କଲେଜର ଏନଏସଏସ ଛାତ୍ରଛାତ୍ରୀଙ୍କୁ ନେଇ ସଚେତନତା ବାର୍ତ୍ତା ଦେଇଛନ୍ତି ।