ଭୁବନେଶ୍ବର: ସାତ ବର୍ଷର ଶିଶୁକନ୍ୟାକୁ ଅକଥନୀୟ ଅତ୍ୟାଚାର ଦେବା ଘଟଣାରେ ଗିରଫ ହୋଇଛନ୍ତି ବାପା ବିଲାଲ ଖାଁ ଓ ସାବତ ମାଆ ଫାତମା ବିବି। ଖୋର୍ଦ୍ଧା ଜ଼ିଲ୍ଲା ବାଲିପାଟଣା ବାରହଳ ଗ୍ରାମରୁ 2 ଅଭିଯୁକ୍ତଙ୍କୁ ଗିରଫ କରିଛି ବାଲିପାଟଣା ପୋଲିସ । ପୋଲିସ ଗୁରୁବାର ଉଭୟଙ୍କୁ ଅଟକ ରଖିବା ସହ ଘଟଣାର ଅନୁସନ୍ଧାନ ଜାରି ରଖିଥିଲା ।
ଶିଶୁକନ୍ୟାକୁ ନିର୍ଯାତନା ଦେବା ଘଟଣା, ଗିରଫ ହେଲେ ବାପା-ସାବତ ମାଆ
ବାଲିପାଟଣା ବାରହଳ ଗ୍ରାମରେ ସାବତ ମା' ଶିଶୁକନ୍ୟାକୁ ଅମାନୁଷିକ ଭାବରେ ଶାରୀରିକ ଓ ମାନସିକ ନିର୍ଯାତନା ଦେଉଥିଲା । ଗରମ ପାଣି ପକାଇବା ଖାଇବାକୁ ନ ଦେଇ ଶିକୁଳିରେ ହାତ ଗୋଡ଼ ବାନ୍ଧି ରଖିବା ଆଦି ବିଭିନ୍ନ ଲୋମହର୍ଷଣକାରୀ ନିର୍ଯାତନା ଘଟଣାରେ ଶିଶୁକନ୍ୟାର ବାପା ଏବଂ ସାବତ ମା'କୁ ବାଲିପାଟଣା ପୋଲିସ ଗିରଫ କରିଛି । ଉଭୟ ମିଶି ୭ ବର୍ଷର ଶିଶୁକନ୍ୟା ଉପରେ ଅକଥନୀୟ ଅତ୍ୟାଚାର କରୁଥିଲେ । ଶିଶୁକୁ ଶିକୁଳିରେ ବାନ୍ଧି ମାଡ଼ ଦେବା ସହିତ ଦେହରେ ଗରମ ପାଣି ଢାଳି ଦେଉଥିଲେ ।