ଭୁବନେଶ୍ବର: ନୂଆପଡା ଜିଲ୍ଲାକୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଗସ୍ତ ପରେ ଚଳଚଞ୍ଚଳ ହୋଇ ଉଠିଛି ପ୍ରଶାସନ । ମୁଖ୍ୟ ଶାସନ ସଚିବ ସୁରେଶ ଚନ୍ଦ୍ର ମହାପାତ୍ର ଜିଲ୍ଲାର ଖରିଆର ଏବଂ ସିନାପାଲୀ ବ୍ଲକର ବିଭିନ୍ନ ଅଞ୍ଚଳ ପରିଦର୍ଶନ କରି ସ୍ଥିତି ସମୀକ୍ଷା କରିଛନ୍ତି ।
ଏହି ଅଞ୍ଚଳରେ ହୋଇଥିବା ପିଆଜ ଚାଷ ଦେଖିବା ସହ ଚାଷୀଙ୍କ ସହିତ ସିଧାସଳଖ କଥା ହୋଇଛନ୍ତି । ଏଥି ସହ ବିଜୁ ଏକ୍ସପ୍ରେସ ହାଇ ୱେ, ଜଳସେଚନ ପ୍ରକଳ୍ପ, ପାଇପ୍ ପାନୀୟ ଜଳ ପ୍ରକଳ୍ପ, ଉଦ୍ୟାନ କୃଷି ଏବଂ କୃଷି ପ୍ରକଳ୍ପର କାର୍ଯ୍ୟକାରିତା କାର୍ଯ୍ୟ ସମୀକ୍ଷା କରିଛନ୍ତି ।
ସୁରେଶ ଚନ୍ଦ୍ର ମହାପାତ୍ର
ତେବେ ପ୍ରତ୍ୟେକ ପ୍ରକଳ୍ପ ଠିକ ସମୟରେ ଶେଷ କରିବା ଲାଗି ବିଭାଗୀୟ ଅଧିକାରୀଙ୍କୁ ନିର୍ଦ୍ଦେଶ ଦେଇଛନ୍ତି । ନୂଆପଡା ଜିଲ୍ଲାର ବିକାଶ ସରକାରଙ୍କ ଦୃଷ୍ଟିରେ ରହିଛି ଏବଂ ଜିଲ୍ଲାର ସାମର୍ଥ୍ୟର ଉପଯୋଗ କରି ଲୋକଙ୍କ ଆୟ ସ୍ତର ବୃଦ୍ଧି ପାଇଁ ସମସ୍ତ ପଦକ୍ଷେପ ନିଆଯିବ ବୋଲି ମୁଖ୍ୟ ଶାସନ ସଚିବ ସୂଚନା ଦେଇଛନ୍ତି ।