ଭୁବନେଶ୍ବର: ଦୁର୍ନୀତିକୁ ନେଇ କଡା ଆଭିମୁଖ୍ୟ ଗ୍ରହଣ କରିଛନ୍ତି ସରକାର। ୧୫ ଜଣଙ୍କୁ ବହିଷ୍କାର କରିଥିବା ବେଳେ ୨ ଜଣଙ୍କ ପେନସନ ବନ୍ଦ କରିଛନ୍ତି । ହେଲେ ସରକାରଙ୍କ ଏହି ନିଷ୍ପତିକୁ ବିରୋଧି ମାନିବାକୁ ନାରାଜ। ଝିଣ୍ଟିକା ମାରି ବଣି ପୋଷିବା କଥା ସହିତ ତୁଳନା କରିଛନ୍ତି ବିରୋଧୀ । ତଳ ତଳିଆ ଅଫିସରଙ୍କ ବିରୋଧରେ କାର୍ଯ୍ୟାନୁଷ୍ଠାନ ନେଇଛନ୍ତି ସରକାର। କିନ୍ତୁ ବଡ ବଡିଆ ବାବୁଙ୍କୁ ସୁରକ୍ଷା ଦେଉଛନ୍ତି ବୋଲି ଅଭିଯୋଗ କରିଛନ୍ତି ବିରୋଧି ।
‘ଝିଣ୍ଟିକା ମାରି ବଣି ପୋଷୁଛନ୍ତି ନବୀନ ସରକାର’
୨୦୧୦ ରୁ ୨୦୧୯ ଭିତରେ ୨୩୮ ଜଣ ହ୍ବାଇଟ କଲାର ବାବୁଙ୍କ ବିରୋଧରେ ଦୁର୍ନୀତି ଅଭିଯୋଗ ଆସିଛି । ସେଥିରେ ୧୧ ଅଇଏଏସ ଅଫିସର ଏବଂ ୨୨୭ ଜଣ ଓଏସ ଅଫିସର ଅଛନ୍ତି। ଏପରିକି କିଛି ଅବସର ବି ନେଇ ଗଲେଣି। କିନ୍ତୁ ଏବେ ବି ସେମାନଙ୍କ ଦୁର୍ନୀତି ଫାଇଲ ଗଡୁଛି । ସେମାନଙ୍କ ଉପରେ ସରକାରଙ୍କ କୌଣସି ପଦକ୍ଷେପ ନଥିବା ଉଦାହରଣ ଦେଇଛନ୍ତି ବିରୋଧି ।