ଭୁବନେଶ୍ବର: ଦିନିକିଆ ଓଡ଼ିଶା ଗସ୍ତରେ ଆସିଛନ୍ତି ସୁପ୍ରିମ କୋର୍ଟର ମୁଖ୍ୟ ବିଚାରପତି ଉଦୟ ଉମେଶ ଲଲିତ । ଗତକାଲି (ଶୁକ୍ରବାର) ସନ୍ଧ୍ୟାରେ ଭୁବନେଶ୍ବର ବିମାନ ବନ୍ଦରରେ ପହଞ୍ଚିଥିଲେ । ଏହି ଅବସରରେ ଆଜି (ଶନିବାର) ଆଇନ ବିଶ୍ବ ବିଦ୍ୟାଳୟ ଜାତୀୟ ସମାବର୍ତ୍ତନ ଉତ୍ସବରେ ଯୋଗଦେବେ । ପେପରଲେସ କୋଡର ମଧ୍ୟ କରିବେ ଉଦଘାଟନ ।
ଭୁବନେଶ୍ବର ବିଜୁ ପଟ୍ଟନାୟକ ବିମାନ ବନ୍ଦରରେ ପହଞ୍ଚିବା ପରେ ସୁପ୍ରିମ କୋର୍ଟର ମୁଖ୍ୟ ବିଚାରପତି ଉଦୟ ଉମେଶ ଲଲିତଙ୍କୁ ଭବ୍ୟ ସ୍ବାଗତ କରାଯାଇଛି । ଆଜି କଟକରେ ହେବାକୁ ଥିବା ଜୁଡିସିଆଲ ଏକାଡେମିରେ ଯୋଗଦେବେ ମୁଖ୍ୟ ବିଚାରପତି ଉଦୟ ଉମେଶ ଲଲିତ । ୩୦ ଜିଲ୍ଲାରେ କୋର୍ଟ ମାନଙ୍କରେ ଲାଗୁ ହେବାକୁ ଥିବା ପେପରଲେସ କୋଡର ଉଦଘାଟନ କରିବେ । ଯାହାଦ୍ବାରା କୋର୍ଟରେ ହେଉଥିବା ଫାଇଲ ବ୍ୟବସ୍ଥା ପେପରଲେସ ହୋଇ ଅନଲାଇନ ଜରିଆରେ ହବ । ଏହା ଫଳରେ ଲୋକେ ଘରି ବସି କୋର୍ଟରେ ଅଭିଯୋଗ କରିବା ସହିତ ଅନେକ ବ୍ୟବସ୍ଥାର ସୁବିଧା ନେଇପାରିବେ ।
ଦିନିକିଆ ଓଡ଼ିଶା ଗସ୍ତରେ ସୁପ୍ରିମ କୋର୍ଟର ମୁଖ୍ୟ ବିଚାରପତି