ଭୁବନେଶ୍ବର: ଆକ୍ସନ ମୁଡରେ କଂଗ୍ରେସର ନୂଆ ଓଡିଶା ପ୍ରଭାରୀ ଚେଲ୍ଲା କୁମାର । କଂଗ୍ରେସର ଆଭିମୁଖ୍ୟ ଓ ଦଳ ସଫଳତାର ପ୍ରଚାର ଠିକ ଭାବେ ହୋଇପାରୁନାହିଁ । ଏଥିଲାଗି ତୃଣମୂଳ ସ୍ତରରୁ ଏହି କାର୍ଯ୍ୟକ୍ରମକୁ ଜୋରଦାର କରିବା ପାଇଁ ଫୋକସ କରିଛନ୍ତି ନୂଆ ପ୍ରଭାରୀ ଚେଲ୍ଲା କୁମାର । ତେଣୁ ଉପନିର୍ବାଚନ ପରେ ନିଜେ ପ୍ରଭାରୀ ଜିଲ୍ଳାସ୍ତରରୁ ଏହି ପ୍ରଚାର ଅଭିଯାନର ମଙ୍ଗ ଧରିଛନ୍ତି ।
୨ ମାସ ଭିତରେ ତୃଣମୂଳସ୍ତରରେ ସଂଙ୍ଗଠନକୁ କ୍ରୀୟାଶୀଳ କରିବା ପାଇଁ ଜିଲ୍ଲା ସଭାପତିଙ୍କୁ ନିର୍ଦ୍ଦେଶ ଦେଇଛନ୍ତି । ପିସିସି ସଭାପତି ପଦ ଲାଗି ଭ୍ୟାକେନ୍ସି ନାହିଁ ଓ ଦଳରେ ବିଶୃଙ୍ଖଳାକୁ ବରଦାସ୍ତ କରାଯିବ ନାହିଁ ବୋଲି ଦଳର ନେତାଙ୍କୁ ଚରମବାଣୀ ଶୁଣାଇଛନ୍ତି ଚେଲ୍ଲା କୁମାର ।ସଂଙ୍ଗଠନ ମଜବୁତ କରିବା ପାଇଁ ଜିଲ୍ଳାସଭାପତିଙ୍କୁ ନିର୍ଦ୍ଦେଶ ଦେବା ସହ ଆସନ୍ତା ୨ମାସ ମଧ୍ୟରେ ଗଠନ ହେବ ଜିଲ୍ଲା, ବ୍ଲକ,ପଞ୍ଚାୟତ,ବୁଥ କମିଟି। ପ୍ରଥମେ ତୃଣମୂଳସ୍ତରରୁ ସଂଙ୍ଗଠନକୁ ମଜବୁତ କରାଯିବ ।
ଏନେଇ ପ୍ରଦେଶ କଂଗ୍ରେସ କାର୍ଯ୍ୟାଳୟରେ ୩୩ଟି ସାଂଙ୍ଗଠନିକ ଜିଲ୍ଲାର ନବ ନିଯୁକ୍ତ ଜିଲ୍ଳା ସଭାପତିଙ୍କ ସହ ପୁଙ୍ଖାନୁପୁଙ୍ଖ ଆଲୋଚନା କରିଛନ୍ତି ନୂଆ ପ୍ରଭାରୀ ଚେଲ୍ଲାକୁମାର । ଦଳୀୟ ସଂଙ୍ଗଠନକୁ ତୃଣମୂଳ ସ୍ତରରେ ଚଳଚଞ୍ଚଳ କରିବା ପାଇଁ ଜିଲ୍ଳା ସଭାପତିମାନଙ୍କୁ ଦେଇଛନ୍ତି ଗୁରୁମନ୍ତ୍ର ।