ପୁରୀ: ରାଜ୍ୟରେ ଦୈନିକ କୋଭିଡ ସଂକ୍ରମଣଙ୍କ ସଂଖ୍ୟା ସବୁ ରେକର୍ଡ ଭାଙ୍ଗିଲାଣି । ଯାହାକୁ ଦେଖି ସରକାରଙ୍କ ଚିନ୍ତା ବଢିଯାଇଛି । ସ୍ଥିତି ଏମିତି ଅତ୍ୟନ୍ତ ଉଦବେଗଜନକ ଏବଂ ଅଣାୟତ୍ତ ହେବାକୁ ବସିଲାଣି । ଯାହାକୁ ଦେଖି ରାଜ୍ୟର ବିଭିନ୍ନ ସ୍ଥାନରେ ହାଟ ବଜାରକୁ ବନ୍ଦ କରିବାକୁ ନିଷ୍ପତି ନେଇଛି ବ୍ୟବସାୟୀ ସଂଘ ।
ଅପରାହ୍ନ 2 ଟା ପରେ ପୁରୀ ସହରରେ ଦୋକାନ ବଜାର ବନ୍ଦ
ପୁରୀ ଜିଲ୍ଲାରେ ମଧ୍ୟ ଦ୍ରୃତ ଗତିରେ ବଢି ଚାଲିଛି କୋଭିଡ ସଂକ୍ରମଣ। ଏଣୁ ଏହି ସଂକ୍ରମଣକୁ ରୋକିବାକୁ ପୁରୀ ବ୍ୟବସାୟୀ ସଂଘର ନିଷ୍ପତ୍ତି ଅନୁଯାୟୀ, ଆଜିଠାରୁ(ଗୁରୁବାର) ପୁରୀ ସହରର ସମସ୍ତ ବ୍ୟବସାୟୀ ଅପରାହ୍ନ ୨ଟା ପରଠାରୁ ଦୋକାନ,ବ୍ୟାବସାୟିକ ପ୍ରତିଷ୍ଠାନ ବନ୍ଦ ରଖିବେ।