ପ୍ରଥମ ଦିନରେ କଟିଲା 15 ଶହ ଖିଲାପକାରୀଙ୍କ ଲାଇନ, ଆଦାୟ ହେଲା 5 କୋଟି

ଗୁରୁବାରଠୁ ଲାଇନ କଟା ଅଭିଯାନ ଆରମ୍ଭ କରିଛି ସେସୁ । ପ୍ରଥମ ଦିନରେ 1545 ଖିଲାପକାରୀ ଗ୍ରାହକଙ୍କ ଲାଇନ କାଟିଛି ବିଭାଗ । ସେହିପରି ପ୍ରାୟ 5କୋଟି ଟଙ୍କାର ବକେୟା ବିଜୁଳି ବିଲ ଆଦାୟ କରିଛି ସେସୁ ।

ଭୁବନେଶ୍ବର: ପୂର୍ବ ନିର୍ଦ୍ଧାରିତ ସମୟନୁଯାୟୀ ଗୁରୁବାର ସେସୁ ପକ୍ଷରୁ ବିଜୁଳି ସଂଯୋଗ କଟା ଅଭିଯାନ ଆରମ୍ଭ ହୋଇଛି। ପ୍ରଥମ ଦିନରେ ପ୍ରାୟ 15 ଶହ ଖିଲାପକାରୀଙ୍କ ବିଦ୍ୟୁତ ସଂଯୋଗ କଟାଯାଇଛି। ଗୋଟିଏ ଦିନରେ ସନ୍ଧ୍ୟା ସୁଦ୍ଧା 5କୋଟି ଟଙ୍କାର ବକେୟା ବିଲ ଆଦାୟ କରିଛି ସେସୁ ।

ସେପଟେ ବିଦ୍ୟୁତ ବିଲ ପୈଠ କରିବା ପାଇଁ ସନ୍ଧ୍ୟା ଯାଏଁ ବିଦ୍ୟୁତ ବିଲ କାଉଣ୍ଟର ଖୋଲା ରହିବ ବୋଲି ସେସୁ କର୍ତ୍ତୃପକ୍ଷ ସୂଚନା ଦେଇଛନ୍ତି।

ସେହିପରି ଗୁରୁବାର ବିଜୁଳି ସଂଯୋଗ କଟିଲା ବେଳେ କୌଣସି ଆଇନ ବିଶୃଙ୍ଖଳା ପରିସ୍ଥିତ ସୃଷ୍ଟି ହେଇନାହିଁ। ସମସ୍ତଙ୍କ ସାହାଯ୍ୟ ସହାୟତା ନେଇ ସେସୁ ପକ୍ଷରୁ କୃତଜ୍ଞତା ଜଣାଇଛନ୍ତି ସେସୁ କର୍ତ୍ତୃପକ୍ଷ।

ଭୁବନେଶ୍ବରରୁ ସଞ୍ଜୀବ ରାୟ, ଇଟିଭି ଭାରତ