ଭୁବନେଶ୍ବର: ଖୋର୍ଦ୍ଧା ଟାଉନ ବାଇପାସ୍ ରୋଡ ପ୍ରକଳ୍ପ ପାଇଁ 157.49 କୋଟି ଟଙ୍କା ଅନୁଦାନ ପ୍ରଦାନ କରିଛନ୍ତି କେନ୍ଦ୍ର ସରକାର । ଏନେଇ ଭୁବନେଶ୍ବର ସାଂସଦ ଅପରାଜିତା ଷଡ଼ଙ୍ଗୀ ଟ୍ବିଟ୍ କରି ସୂଚନା ଦେଇଛନ୍ତି । ଏହାଦ୍ବାରା ଖୋର୍ଦ୍ଧାବାସୀ ଲାଭବାନ ହେବେ ।
ଖୋର୍ଦ୍ଧା ଟାଉନ ର ଟ୍ରାଫିକ କମାଇବାକୁ ଏ ବାଇପାସ କରାଯିବ। ଶତ ପ୍ରତିଶତ ଆର୍ଥିକ ସହଯୋଗ କେନ୍ଦ୍ର ସରକାର ଯୋଗାଇଦେବେ। ଶରଧାପୁର ଠାରୁ ଟାଟା ମୋଟର୍ସ ପର୍ଯ୍ୟନ୍ତ 6 କିଲୋମିଟର ର ଏହି ବାଇପାସ ରହିବ।
ଟ୍ବିଟ୍ କରି ଅପରାଜିତ କହିଛନ୍ତି ଯେ, "ଖୋର୍ଦ୍ଧା ବାଇପାସ୍ ରୋଡ୍ ନିର୍ମାଣ କାର୍ଯ୍ୟ ଜାରି ରହିଛି । ଏହାଦ୍ବାରା ଖୋର୍ଦ୍ଧାବାସୀଙ୍କୁ ବିଶେଷ ଲାଭ ମିଳିବ । ଏହି ପ୍ରକଳ୍ପ ପାଇଁ କେନ୍ଦ୍ର ସରକାର 157.49 କୋଟି ଟଙ୍କା ଅନୁଦାନ ପ୍ରଦାନ କରିଛନ୍ତି ।"