ଭୁବନେଶ୍ବର: ଓଡ଼ିଶାରେ ଖଦିର ବିକାଶ ପାଇଁ ଆରମ୍ଭ ହୋଇଛି ପ୍ରୟାସ । ଯେଉଁଥିରେ ବଡ ଭୂମିକା ଗ୍ରହଣ କରିଛି କେନ୍ଦ୍ର ଖଦି ଓ ଗ୍ରାମୋଦ୍ୟୋଗ । ଓଡ଼ିଶାରେ ଅଧିକ ଆଉଟଲେଟ ଖୋଲିବାର ଆବଶ୍ୟକତା ରହିଛି । ଓଡ଼ିଶାରେ ଖଦି ଓ ଗ୍ରାମୋଦ୍ୟୋଗ KVICର କାର୍ଯ୍ୟକାରିତା ଓ ଆଗାମୀ ଯୋଜନାର ସମୀକ୍ଷା କରିବା ଅବସରରେ ଏଭଳି ସୂଚନା ଦେଇଛନ୍ତି ପୂର୍ବତଟ ଜୋନ୍ କମିଶନ ସଦସ୍ୟ ମନୋଜ କୁମାର ସିଂ ।
କେନ୍ଦ୍ର ଖଦି ଓ ଗ୍ରାମୋଦ୍ୟୋଗର ସାମ୍ବାଦିକ ସମ୍ମିଳନୀ
ବର୍ତ୍ତମାନ ସୁଦ୍ଧା କି କି ପଦକ୍ଷେପ ନିଆଯାଇଛି ଓ ଆଗାମୀ ଦିନରେ କଣ କାର୍ଯ୍ୟକ୍ରମ ହେବ ତାହାର ବିବାରଣୀ ସାମ୍ବାଦିକ ସମ୍ମିଳନୀ ମାଧ୍ୟମରେ ପ୍ରଦାନ କରିଛନ୍ତି ପୂର୍ବତନ ଜୋନ୍ କମିଶନ ମନୋଜ କୁମାର ସିଂ । ଖଦି ଓ ଗ୍ରାମୋଦ୍ୟୋଗ ସଂସ୍ଥା ଉଭୟ ଖଦି ଓ ଗ୍ରାମାଞ୍ଚଳରେ ଉଦ୍ୟୋଗକୁ ପ୍ରୋତ୍ସାହିତ କରିବାର କାମ କରିଥାଏ । ଓଡ଼ିଶାରେ ମୋଟ 85 ସଂସ୍ଥା ଖଦି ଓ ଗ୍ରାମୋଦ୍ୟୋଗରେ ପଞ୍ଜିକରଣ ହୋଇଛି । ଯେଉଁଥିରେ 66ଟି ସଂସ୍ଥା ଓ ଗୋଟିଏ ବୋର୍ଡ କାମ କରୁଛି । ପ୍ରତି ସଂସ୍ଥା KVIC ଟାର୍ଗେଟ ଦିଅନ୍ତି ।