ଭୁବନେଶ୍ବର: ସର୍ବନିମ୍ନ ସହାୟକ ମୂଲ୍ୟ (MSP) 72 ଟଙ୍କା ବୃଦ୍ଧି ନେଇ କେନ୍ଦ୍ର ସରକାରଙ୍କ ଉପରେ ବର୍ଷିଛନ୍ତି ପିସିସି ସଭାପତି ନିରଞ୍ଜନ ପଟ୍ଟନାୟକ । ଏମିତି କରି ଲୋକଙ୍କୁ ସାହାଯ୍ୟ ନୁହେଁ ଅପମାନିତ କରୁଛନ୍ତି ସରକାର । କେନ୍ଦ୍ର ସରକାର ଓ ପ୍ରଧାନମନ୍ତ୍ରୀ ଗରିବ ଲୋକଙ୍କୁ ରେଜଗାରକ୍ଷମ କରିବା ପାଇଁ ବ୍ୟବସ୍ଥା କରନ୍ତୁ । ଡ୍ୟାମେଜ କଣ୍ଟ୍ରୋଲ ନାଁରେ ପ୍ରହସନ ବନ୍ଦ କରନ୍ତୁ ବୋଲି କହିଛନ୍ତି ନିରଞ୍ଜନ ।
ଡ୍ୟାମେଜ କଣ୍ଟ୍ରୋଲ ନାଁରେ ପ୍ରହସନ ବନ୍ଦ କରୁ କେନ୍ଦ୍ର:ନିରଞ୍ଜନ
ଡ୍ୟାମେଜ କଣ୍ଟ୍ରୋଲ ପାଇଁ କେନ୍ଦ୍ର ସରକାର ଓ ପ୍ରଧାନମନ୍ତ୍ରୀ 3ଟି ପଦକ୍ଷେପ ନେଇଛନ୍ତି । ମାଗଣା ଟିକା, ମାଗଣା ଚାଉଳ, MSP ଦର 72 ଟଙ୍କା ବୃଦ୍ଧି କରିଛନ୍ତି । ଏଥିରୁ ସ୍ପଷ୍ଟ ଅନୁଭବ ହେଉଛି ଯେ, ଭାରତୀୟଙ୍କୁ ହିନସ୍ତା ଅବସ୍ଥାରେ ରଖିବା ପାଇଁ ପ୍ରଧାନମନ୍ତ୍ରୀ ଓ କେନ୍ଦ୍ର ସରକାର ଚାହୁଁଛନ୍ତି । MSP ରେ କିଲେ ପିଛା 72 ପାଇସା ବୃଦ୍ଧି କରାଯାଇଛି । ଏଥିରେ କଣ ଚାଷୀଙ୍କ ସମସ୍ୟାର ସମାଧନ ହୋଇପାରିବ କି ବୋଲି ପ୍ରଶ୍ନ କରିଛନ୍ତି ନିରଞ୍ଜନ ପଟ୍ଟନାୟକ ।