ସ୍ମାର୍ଟସିଟିରେ ସିସିଟିଭି ଅଚଳ !

ଭୁବନେଶ୍ବରରେ ଲାଗିଥିବା 28ଟି ସିସିଟିଭିରୁ 22ଟି ଅଚଳ । ଏନେଇ ସୂଚନା ଦେଇଛନ୍ତି ଅତିରିକ୍ତ ପୋଲିସ କମିଶନର ।

ଭୁବନେଶ୍ବର: ରାଜଧାନୀକୁ ଜଗିରହିଥିବା ସିସିଟିଭି କ୍ୟାମେରା ଅଚଳ । ଫନି ମାଡରେ ଭୁବନେଶ୍ବରରେ ଲାଗିଥିବା 28ଟି ସିସିଟିଭିରୁ 22ଟି ଅଚଳ । ଏନେଇ ସୂଚନା ଦେଇଛନ୍ତି ଅତିରିକ୍ତ ପୋଲିସ କମିଶନର ।

ସିସିଟିଭି ପାଇଁ ରାଜ୍ୟ ସରକାରଙ୍କୁ ଜଣାଇ ଦିଆଯାଇଛି । ଖୁବଶୀଘ୍ର ଅଚଳ ହୋଇଥିବା ସିସିଟିଭିକୁ ହଟାଇ ନୂତନ ସିସିଟିଭି ଲଗାଯିବ ବୋଲି ଅତିରିକ୍ତ କମିଶନର କହିଛନ୍ତି । ଅନ୍ୟପଟେ ଭୁବନେଶ୍ବରର ବ୍ୟସ୍ତ ବହୁଳ ଛକ ମାନଙ୍କରେ ଚାଳକଙ୍କ ଉପରେ ନଜର ରଖିବା ପାଇଁ ଟ୍ରାଫିକ ପୋଲିସ ଡ୍ରୋନର ବ୍ୟବହାର କରୁଛି । ଗତ ମେ 3 ତାରିଖରେ ସାମୁଦ୍ରିକ ଝଡ ଫନି ଯୋଗୁଁ ରାଜଧାନୀରେ ବ୍ୟାପକ କ୍ଷୟକ୍ଷତି ହୋଇଥିଲା ।

ଭୁବନେଶ୍ବରରୁ ବିକାଶ ଦାସ, ଇଟିଭି ଭାରତ