ଭୁବନେଶ୍ବର:କେନ୍ଦ୍ରୀୟ ମାଧ୍ୟମିକ ଶିକ୍ଷା ପରିଷଦ (ସିବିଏସଇ) ପକ୍ଷରୁ ଟର୍ମ-2 ବୋର୍ଡ ପରୀକ୍ଷାସୂଚୀ ପ୍ରକାଶ ପାଇଛି। ଉଭୟ ଦଶମ ଓ ଦ୍ବାଦଶ ଶ୍ରେଣୀର ଟର୍ମ-2 ପରୀକ୍ଷା ଏପ୍ରିଲ 26ରୁ ଆରମ୍ଭ ହେବ । ତେବେ ଦଶମ ବୋର୍ଡ ପରୀକ୍ଷା ମେ 24 ଓ ଦ୍ବାଦଶ ବୋର୍ଡ ପରୀକ୍ଷା ଜୁନ 15ରେ ଶେଷ ହେବ ।
ଏସବୁ ପରୀକ୍ଷା ସବଜେକ୍ଟିଭ ମୋଡରେ ହେବ। ପ୍ରତ୍ୟେକ ବିଷୟର ପରୀକ୍ଷା 2 ଘଣ୍ଟା ପାଇଁ ହେବ । ଏଗୁଡ଼ିକ ସାଢେ 10 ଟାରୁ ସାଢେ 12ଟା ମଧ୍ୟରେ ହେବ । ଏସବୁ ପରୀକ୍ଷା ଅଫଲାଇନ ମୋଡରେ ବିଭିନ୍ନ ପରୀକ୍ଷା କେନ୍ଦ୍ରରେ ହେବ। ଅନ୍ୟପକ୍ଷରେ କୋରୋନା ମହାମାରୀକୁ ଦୃଷ୍ଟିରେ ରଖି ଏସବୁ ପରୀକ୍ଷା ସଂପୂର୍ଣ୍ଣ କୋରୋନା କଟକଣା ମାନି ଅନୁଷ୍ଠିତ ହେବ । ଛାତ୍ରଛାତ୍ରୀ ମାସ୍କ ପିନ୍ଧି ଆସିବା ସହ ନିଜସ୍ବ ସାନିଟାଇଜର ଆଣିବେ ।