ଭୁବନେଶ୍ବର: ଦୀର୍ଘ ଦେଢ ବର୍ଷ ପରେ ପୁଣି ରାଜ୍ୟକୁ ଫେରିଛି ସିବିଆଇ । ଖୋଲିଛି ସିବିଆଇ ଚିଟ୍ଫଣ୍ଡ ଦୁର୍ନୀତିର ସମ୍ପୃକ୍ତ ଥିବା ବଡବଡିଆଙ୍କ ପେଡି । ଓପିଏଲ ଟଙ୍କା ହେରଫେର୍ ମାମଲାରେ ଓସିଏର ପୂର୍ବତନ ଅଧ୍ୟକ୍ଷ ଆଶୀର୍ବାଦ ବେହେରାଙ୍କୁ ଗିରଫ କରିବା ପରେ ଅନ୍ୟ ନେତାଙ୍କ ଛାତିରେ ପସିଛି ଛନ୍କା ।
ଭିଡିଓ ସୌଜନ୍ୟ: ସମ୍ବାଦଦାତା, ଭୁବନେଶ୍ବର
ଆଶୀର୍ବାଦଙ୍କ ପରେ ଏବେ କାହା ପାଳି ପଡିବ ସେନେଇ ଚିଟଫଣ୍ଡ ଲିଙ୍କ୍ରେ ସମ୍ପୃକ୍ତ ଥିବା ନେତାଙ୍କ ମଧ୍ୟରେ ଖେଳି ଯାଇଛି କୋକୁଆ ଭୟ । ବିଶେଷ କରି ଯେଉଁ ନେତାମାନେ ସିବିଆଇ ନୋଟିସ ପାଇଛନ୍ତି ଏପରିକି ଜେରା ମଧ୍ୟ ହୋଇଛନ୍ତି ସେମାନଙ୍କ ମନରେ ପଶିଛି ଛନ୍କା । କାଳେ ପୁଣି ସେମାନଙ୍କୁ ଡକରା ଆସିବ ଓ ବନ୍ଧା ହେବେ ସେ ନେଇ ଚିନ୍ତା ଘାରିଛି ।