ଭୁବନେଶ୍ବର: ଜାତୀୟ ସଡକ ସୁରକ୍ଷା କ୍ଷୁଦ୍ର ଚଳଚ୍ଚିତ୍ର ମହୋତ୍ସବ 2022 ପାଇଁ ନଗଦ ପୁରସ୍କାର ବୃଦ୍ଧି କରାଯାଇଛି । ଶ୍ରେଷ୍ଠ ଚଳଚ୍ଚିତ୍ର ପାଇଁ ପୁରସ୍କାର ରାଶି 50 ହଜାରରୁ 1 ଲକ୍ଷ ଟଙ୍କାକୁ ବୃଦ୍ଧି କରାଯାଇଛି । ସେହିଭଳି ପ୍ରଥମ ରନର୍ ଅପ୍ ପୁରସ୍କାର 40 ହଜାରରୁ 80 ହଜାର ଟଙ୍କାକୁ ବୃଦ୍ଧି କରାଯାଇଛି । ଦ୍ବିତୀୟ ରନର୍ ଅପ୍ ନଗଦ ପୁରସ୍କାର ବର୍ତ୍ତମାନ 60 ହଜାର ଟଙ୍କା କରାଯାଇଛି । ଏହି ଉତ୍ସବର ଉଦଘାଟନୀ ସମାରୋହରେ ବାଣିଜ୍ୟ ଓ ପରିବହନ ବିଭାଗର ପ୍ରମୁଖ ଶାସନ ସଚିବ ବିଷ୍ଣୁପଦ ସେଠୀ ଓ ପରିବହନ କମିଶନ ଅରୁଣ ବୋଥ୍ରା ।
ଜାତୀୟ ସଡ଼କ ସୁରକ୍ଷା କ୍ଷୁଦ୍ର ଚଳଚ୍ଚିତ୍ର ମହୋତ୍ସବ ପାଇଁ ନଗଦ ପୁରସ୍କାର ରାଶି ବୃଦ୍ଧି ବାଣିଜ୍ୟ ଓ ପରିବହନ ବିଭାଗର ପ୍ରମୁଖ ଶାସନ ସଚିବ ବିଷ୍ଣୁପଦ ସେଠୀ କହିଛନ୍ତି ଯେ,'ଲୋକଙ୍କ ମଧ୍ୟରେ ଉତ୍ସାହ ଓ ଅଧିକ ଲୋକଙ୍କୁ ଏଣ୍ଟ୍ରି ପଠାଇବା ପାଇଁ ଉତ୍ସାହିତ କରିବା ପାଇଁ ଉଭୟ ଓଡିଆ ଏବଂ ଅଣ- ଓଡିଆ ଭାଷା ବର୍ଗ ପାଇଁ ଚଳଚ୍ଚିତ୍ର ବିଭାଗ ପାଇଁ ପୁରସ୍କାର ରାଶି ବୃଦ୍ଧି କରାଯାଇଛି । ବ୍ୟକ୍ତିଗତ ବିଭାଗ ପାଇଁ ନଗଦ ପୁରସ୍କାର ପୂର୍ବପରି ରହିଛି ।
ଚଳଚ୍ଚିତ୍ର ଇଣ୍ଡଷ୍ଟ୍ରି ପ୍ରଫେସନାଲ ଏବଂ ଅଣ - ଇଣ୍ଡଷ୍ଟ୍ରି ପ୍ରଫେସନାଲମାନଙ୍କର ଏକ ଜଜ୍ ପ୍ୟାନେଲ୍ ଦ୍ବାରା ବିଜେତାମାନଙ୍କୁ ଚୟନ କରାଯିବ । ଏହି କାର୍ଯ୍ୟକ୍ରମରେ ଜୁରି ସଦସ୍ୟମାନେ ହେଲେ ହମାରା ବଚପନର କାର୍ଯ୍ୟନିର୍ବାହୀ ଚେୟାରମ୍ୟାନ୍ ଧରିତ୍ରୀ ପଟ୍ଟନାୟକ, ଓଡ଼ିଶା ଚଳଚ୍ଚିତ୍ର ବିକାଶ ନିଗମ ଚେୟାରମ୍ୟାନ୍ କୁନା ତ୍ରିପାଠୀ, ଚଳଚ୍ଚିତ୍ର ନିର୍ମାତା ମନୀଷ ମୁଦ୍ରା, ଜାତୀୟ ପୁରସ୍କାର ବିଜେତା ଓନିର, ଜାତୀୟ ପୁରସ୍କାର ବିଜେତା ଚଳଚ୍ଚିତ୍ର ନିର୍ମାତା ରାଜେଶ ଟଚ୍ରଭର, ଅଭିନେତା ସବ୍ୟସାଚୀ ମିଶ୍ର, ଅଭିନେତା ସିଦ୍ଧାନ୍ତ ମହାପାତ୍ର, ସମାଜସେବୀ ଡକ୍ଟର ଶ୍ରୁତି ମହାପାତ୍ର, ଲେଖକ ସୁଜିତ ମହାପାତ୍ର, ସମ୍ବାଦ ଗ୍ରୁପର କାର୍ଯ୍ୟନିର୍ବାହୀ ନିର୍ଦ୍ଦେଶକ ତନୟା ପଟ୍ଟନାୟକ, ଅଭିନେତ୍ରୀ ବର୍ଷା ପ୍ରିୟଦର୍ଶିନୀ ।
ଜାତୀୟ ସଡକ ସୁରକ୍ଷା କ୍ଷୁଦ୍ର ଚଳଚ୍ଚିତ୍ର ମହୋତ୍ସବ ପାଇଁ ଏଣ୍ଟ୍ରିଗୁଡିକ ଖୋଲା ଅଛି । ଏଣ୍ଟ୍ରି ଦାଖଲର ଶେଷ ତାରିଖ ହେଉଛି ଆସନ୍ତା ଜୁନ 3 ତାରିଖ । ସଡକ ଦୁର୍ଘଟଣା ଏବଂ ମୃତାହତକୁ ହ୍ରାସ କରିବା ପାଇଁ ରାଜ୍ୟ ତଥା ଦେଶରେ ସଡକ ସୁରକ୍ଷା ସହଯୋଗରେ ଯୋଗଦାନକୁ ପ୍ରୋତ୍ସାହିତ କରିବା ପାଇଁ ଏହି ଉତ୍ସବର ଲକ୍ଷ୍ୟ ରହିଛି ।
ଚଳଚ୍ଚିତ୍ର ନିର୍ମାତା, ଉତ୍ସାହୀ ଚଳଚ୍ଚିତ୍ର ନିର୍ମାତା ଏବଂ ଛାତ୍ରମାନେ ସେମାନଙ୍କର ଏଣ୍ଟ୍ରି ଦାଖଲ କରିପାରିବେ । ଏହି ଚଳଚ୍ଚିତ୍ରଟି ଏକ ଡକ୍ୟୁମେଣ୍ଟାରୀ, ପରୀକ୍ଷାମୂଳକ, କାହାଣୀ, କଳ୍ପନା, ଅଣ - କାଳ୍ପନିକ କିମ୍ବା ଆନିମେସନ୍ ହୋଇପାରେ । ମୂଳ ଚଳଚ୍ଚିତ୍ରଟି FULL HD ( 1920x1080 ) ଫର୍ମାଟରେ କିମ୍ବା ତା'ଠାରୁ ଅଧିକ ହେବା ଉଚିତ ।
ଚଳଚ୍ଚିତ୍ରର ସମୁଦାୟ ଅବଧି ସର୍ବାଧିକ 120 ସେକେଣ୍ଡ ( 2 ମିନିଟ୍ ) ହୋଇପାରିବ । ଯେଉଁଥ୍ରେ ଫ୍ରଣ୍ଟ ଏବଂ ଶେଷ କ୍ରେଡିଟ୍ ଅନ୍ତର୍ଭୁକ୍ତ । ଏହି ପର୍ବ ଦୁଇଟି ବର୍ଗରେ ହେବ । ଓଡିଆ ଭାଷା ଏବଂ ଅଣ - ଓଡ଼ିଆ ଭାଷା, ସମସ୍ତ ଏଣ୍ଟ୍ରି ପାଇଁ ଇଂରାଜୀରେ ସବ୍ - ଟାଇଟେଲ ଜରୁରୀ । ଅଂଶଗ୍ରହଣକାରୀମାନେ ଗୁଗୁଲ୍ ଡ୍ରାଇଭ୍ କିମ୍ବା ସଡକ ସୁରକ୍ଷା- roadsafety od@gov.in ଏବଂ roadsafetyshortfilms@gmail.com କୁ ଲିଙ୍କ୍ ସ୍ଥାନାନ୍ତର କରିପାରିବେ । ସମସ୍ତ ବିବରଣୀ http://odishatransport.gov.in/ ରେ ଉପଲବ୍ଧ ଅଛି । ଏହି ମହୋତ୍ସବ ରାଉରକେଲାରେ 18 ଏବଂ 19 ଜୁନ୍ ଏବଂ ପୁରୀରେ 24 ଏବଂ 25 ଜୁନରେ ଅନୁଷ୍ଠିତ ହେବ ।
ବିଭିନ୍ନ ବର୍ଗରେ ପୁରସ୍କାର ରାଶି :
ଓଡିଆ ବର୍ଗ
ସର୍ବୋତ୍ତମ ଚଳଚ୍ଚିତ୍ର : 1,00,000
ପ୍ରଥମ ରନର୍ ଅପ୍ : 50,000
ଦ୍ୱିତୀୟ ରନର୍ ଅପ୍ : 60,000
ଶ୍ରେଷ୍ଠ ନିର୍ଦ୍ଦେଶକ : 25,000
ଶ୍ରେଷ୍ଠ ସ୍କ୍ରିନ - ପ୍ଲେ : 25,000
ଶ୍ରେଷ୍ଠ ସିନେମାଟୋଗ୍ରାଫି : 25,000
ଶ୍ରେଷ୍ଠ ଅଭିନେତା / ଅଭିନେତ୍ରୀ : 25,000
ଅଣ-ଓଡିଆ ବର୍ଗ :
ଶ୍ରେଷ୍ଠ ଚଳଚ୍ଚିତ୍ର : 100,000
ପ୍ରଥମ ରନର୍ ଅପ୍ : 50,000
ଦ୍ୱିତୀୟ ରନର୍ ଅପ୍- 60,000
ଶ୍ରେଷ୍ଠ ନିର୍ଦ୍ଦେଶକ : 25,000
ଶ୍ରେଷ୍ଠ ସ୍କ୍ରିନ - ପ୍ଲେ : 25,000
ଶ୍ରେଷ୍ଠ ସିନେମାଟୋଗ୍ରାଫି : 25,000
ଶ୍ରେଷ୍ଠ ଅଭିନେତା / ଅଭିନେତ୍ରୀ : 25,000
ଭୁବନେଶ୍ବରରୁ ଭବାନୀ ଶଙ୍କର ଦାସ, ଇଟିଭି ଭାରତ
