ଭୁବନେଶ୍ବର: ରାଜ୍ୟରେ ମାତିଛନ୍ତି ଲୁଟେରା । ଦିନ ଦ୍ବିପହରେ ଲୁଟ । ରାଜଧାନୀର ଶ୍ରୀୟା ଟକିଜରେ ଜଣଙ୍କ କାର ଭାଙ୍ଗି 1ଲକ୍ଷ 20 ହଜାର ଟଙ୍କା ଲୁଟି ନେଇଛନ୍ତି ଲୁଟେରା ।
କାର କାଚ ଭାଙ୍ଗି ଲୁଟିନେଲେ 1ଲକ୍ଷ
ସୂଚନାଅନୁସାରେ, ବିଶ୍ବ ବନ୍ଦିତା ନାମକ ଜଣ ମହିଳା ବ୍ୟାଙ୍କରୁ ଟଙ୍କା ଉଠାଇ ଆଣି ତାଙ୍କ କାରରେ ରଖିଥିଲେ । ମୌକା ଦେଖି ତିନି ଲୁଟେରା ବାଇକରେ ଆସି ତାଙ୍କ କାରର କାଚ ଭାଙ୍ଗି କାରରୁ ଗୁରୁତ୍ବପୂର୍ଣ୍ଣ ଡକ୍ୟୁମେଣ୍ଟ ସହିତ 1ଲକ୍ଷ 20 ହଜାର ଟଙ୍କା ଲୁଟି ନେଇଥିବା ଅଭିଯୋଗ ହୋଇଛି । ଏ ଘଟଣା ଘଟିଛି ଖାରବେଳ ଥାନା ଶ୍ରୀୟା ଛକ ନିକଟରେ । ଲୁଟେରା ଦଳ ମହିଳାଙ୍କୁ ପିଛା କରି ଏପରି କାଣ୍ଡ ଘଟାଇଥିବା ଅନୁମାନ କରାଯାଉଛି ।