ଭୁବନେଶ୍ବର: ଓଭରବ୍ରିଜ୍ ଉପରୁ ତଳକୁ ଖସିଲା କାର୍(car falls off overbridge) । ଭୁବନେଶ୍ବର ପୁନାମାଗେଟ୍ ଓଭରବ୍ରିଜ ନିକଟରେ ଏହି ଅଘଟଣ ଘଟିଛି । ଗତକାଲି(ଶୁକ୍ରବାର) ରାତି ପ୍ରାୟ ୨ଟା ସମୟରେ ଏକ କାର ଭାରସାମ୍ୟ ହରାଇ ୩୦ ଫୁଟ ତଳକୁ ଖସିପଡିଛି । ଗାଡିଟି ସମ୍ପୂର୍ଣ୍ଣ ଭାବେ ଭାଙ୍ଗି ଯାଇଥିବା ବେଳେ ଡ୍ରାଇଭରର କୌଣସି ପତ୍ତା ମିଳିନାହିଁ।
ଫିଲ୍ମ ଷ୍ଟାଇଲରେ ବ୍ରିଜ ତଳକୁ ଖସିଲା କାର, ମିଳୁନି ଚାଳକଙ୍କ ପତ୍ତା ମିଳିଥିବା ସୂଚନା ଅନୁଯାୟୀ, ନବୀନ ନିବାସ ପଟୁ ଏକ କଳାରଙ୍ଗର ଦ୍ରୁତଗାମୀ କାର୍ ଭୀମଟାଙ୍ଗୀ ଅଭିମୁଖେ ଯାଉଥିଲା । ଓଭରବ୍ରିଜ ଚଢିବା ପରେ ଗାଡିଟି ଭାରସାମ୍ୟ ହରାଇ ବ୍ରିଜ କଡରେ ଲାଗିଥିବା ସୁରକ୍ଷା ବଳୟକୁ ଭାଙ୍ଗି ୩୦ ଫୁଟ ତଳକୁ ଖସିପଡିଥିଲା । ବର୍ତ୍ତମାନ ସୁଦ୍ଧା ଗାଡି ଡ୍ରାଇଭର ସମ୍ପର୍କରେ କୌଣସି ସୂଚନା ମିଳିପାରିନାହିଁ । କାର୍ରେ ଥିବା ବ୍ୟକ୍ତିଙ୍କ ସ୍ବାସ୍ଥ୍ୟବସ୍ଥା କିପରି ରହିଛି ତାହା ମଧ୍ୟ ଜଣାପଡି ନାହିଁ ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
