ଭୁବନେଶ୍ବର: ସ୍ପେଶାଲ ସ୍କ୍ବାର୍ଡ ହାତରେ ଲାଗିଲା ନିଶା ସାମଗ୍ରୀ । ପଳାଶୁଣି ନିକଟରୁ ୪୫ କେଜିରୁ ଅଧିକ ଗଞ୍ଜେଇ ଜବତ ସହ ଜଣେ ଅଭିଯୁକ୍ତକୁ ଗିରଫ କରିଛି ସ୍ପେଶାଲ ସ୍କ୍ବାର୍ଡ । ଆଜି(ବୁଧବାର) କନ୍ଧମାଳରୁ କଟକ ଚାଲାଣ ହେଉଥିବା ସମୟରେ ଯାଞ୍ଚ କରିଥିଲା ଟିମ୍ ।
ସୂଚନା ଅନୁଯାୟୀ ଭୁବନେଶ୍ବର ସ୍ଥିତ ପଳାଶୁଣି ନିକଟରେ ସନ୍ଦେହରେ ଖାନତଲାସି ଜାରି ରଖିଥିଲା ସ୍ପେଶାଲ ସ୍କ୍ବାର୍ଡ । ଏହି ସମୟରେ କନ୍ଧମାଳରୁ କଟକ ଯାଉଥିବା ଏକ ଦାମୀ କାରକୁ ଅଟକାଇ ଯାଞ୍ଚ କରିଥିଲା । ଯାଞ୍ଚ ସମୟରେ କାରରେ ଗଞ୍ଜେଇ ଥିବା ନେଇ ଜାଣିବାକୁ ପାଇଥିଲା । ତେବେ ଏହି ଦାମୀ କାରରୁ ୪୫ କେଜିର ଗଞ୍ଜେଇ ଜବତ କରିଛି ସ୍ପେଶାଲ ସ୍କ୍ବାର୍ଡ । ଏଥିସହ ଜଣେ ଅଭିଯୁକ୍ତକୁ ଗିରଫ କରାଯିବା ସହ ଦାମୀ କାରକୁ ଜବତ କରିଛି ପୋଲିସ । ତେବେ ଜବତ ଗଞ୍ଜେଇର ଆନୁମାନିକ ମୂଲ୍ୟ ୧ ଲକ୍ଷରୁ ଊର୍ଦ୍ଧ୍ବ ହେବ ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
