20:39 August 09
କ୍ୟାବିନେଟ ବୈଠକରେ ୧୬ ପ୍ରସ୍ତାବକୁ ମୋହର
ଭୁବନେଶ୍ବର: ସୋମବାର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଅଧ୍ୟକ୍ଷତାରେ ଶେଷ ହୋଇଛି ରାଜ୍ୟ କ୍ୟାବିନେଟ ବୈଠକ । ଏହି ବୈଠରେ ବହୁ ଗୁରତ୍ବପୂର୍ଣ୍ଣ ନିଷ୍ପତ୍ତି ନିଆଯାଇଛି । ଏହି ବୈଠକରେ ୧୬ ପ୍ରସ୍ତାବକୁ ମୁଖ୍ୟମନ୍ତ୍ରୀଙ୍କ ମୋହର ବାଜିଛି ।
ରାଜ୍ୟ କ୍ୟାବିନେଟରେ ଗୁରୁତ୍ବପୂର୍ଣ୍ଣ OFS କ୍ୟାଡର ପୁନର୍ଗଠନକୁ ମଞ୍ଜୁରୀ ଦେଇଛି । ୯୧୨ କ୍ୟାଡର ବଦଳରେ ଏବେ ରହିବେ ୧୦୧୬ କୁ ବୃଦ୍ଧି କରାଯାଇଛି । ସେହିପରି ସମ୍ବଲପୁରରେ IIMର ସ୍ଥାୟୀ କ୍ୟାମ୍ପସ ପାଇଁ ୧୮.୨୩ ଏକର ଜମି ଯୋଗାଇବେ ସରକାର । IIM ପାଇଁ ୪.୨୧ କୋଟି ଟଙ୍କାର ପ୍ରିମିଅମ ଛାଡ଼ କରିବା ପାଇଁ ରାଜ୍ୟ କ୍ୟାବିନେଟର ନିଷ୍ପତ୍ତି ନିଆଯାଇଛି ।
କ୍ୟାବିନେଟ ବୈଠକରେ ଉପର ଇନ୍ଦ୍ରାବତୀ ଦକ୍ଷିଣ ପାର୍ଶ୍ଵ କେନାଲର ପୁନରୁଦ୍ଧାର ଏବଂ ପୁନଃପ୍ରତିଷ୍ଠା ପାଇଁ ୧୪୮ କୋଟିର ପ୍ରକଳ୍ପ କାର୍ଯ୍ୟକୁ ଅନୁମୋଦନ କରାଯାଇଛି । ଏହାଦ୍ବାରା କଳାହାଣ୍ଡି ଜିଲ୍ଲାର ୪୨,୦୦୦ ହେକ୍ଟରରୁ ଅଧିକ ଚାଷଜମି ଜଳସେଚିତ ହେବ ।
ସେହିପରି ବାଗ୍ଚୀ କ୍ୟାନ୍ସର ହସ୍ପିଟାଲ ପାଇଁ ରାଜ୍ୟ କ୍ୟାବିନେଟର ନିଷ୍ପତ୍ତି । ଅବଢ଼ା ଯୋଜନାରେ ଶ୍ରୀମନ୍ଦିର ପରିକ୍ରମା ପ୍ରକଳ୍ପ କାମ ୧୮ ମାସରେ ସରିବ । ଏଥିପାଇଁ ୩୩୧.୨୮ କୋଟିର ଟାଟା ଟେଣ୍ଡରକୁ ଅନୁମୋଦନ । ଓଡ଼ିଶା GST ଆଇନ-୨୦୧୭ରେ ସଂଶୋଧନକୁ ମଧ୍ୟ କ୍ୟାବିନେଟ ମଞ୍ଜୁରି ମିଳିଛି ।
17:34 August 09
କ୍ୟାବିନେଟ ବୈଠକ: ୧୬ ପ୍ରସ୍ତାବକୁ ମୁଖ୍ୟମନ୍ତ୍ରୀଙ୍କ ମୋହର
ଭୁବନେଶ୍ବର: ସୋମବାର ରାଜ୍ୟର କ୍ୟାବିନେଟ ବୈଠକ ବସିଛି ।ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଅଧ୍ୟକ୍ଷତାରେ ଅନୁଷ୍ଠିତ ରାଜ୍ୟ କ୍ୟାବିନେଟ୍ର ଗୁରୁତ୍ବପୂର୍ଣ୍ଣ ବୈଠକରେ ଗୁରୁତ୍ବପୂର୍ଣ୍ଣ ପ୍ରସ୍ତାବ ଉପରେ ମୁଖ୍ୟମନ୍ତ୍ରୀଙ୍କ ମୋହର ବାଜିଛି । ମୋଟ ୧୬ ପ୍ରସ୍ତାବକୁ କ୍ୟାବିନେଟରେ ମୋହର ମାରିଛନ୍ତି ମୁଖ୍ୟମନ୍ତ୍ରୀ ।
