ଭୁବନେଶ୍ବର: କ୍ୟାପିଟାଲ ହସ୍ପିଟାଲର ବିଭିନ୍ନ ବିଭାଗରେ ଥିବା ସ୍ବତନ୍ତ୍ର କ୍ୟାବିନର ବଢିଲା ମୂଲ୍ୟ । ମଙ୍ଗଳବାରଠାରୁ ଏହା ଲାଗୁ କରାଯିବ । କ୍ୟାବିନ ଗୁଡିକର ରକ୍ଷଣାବେକ୍ଷଣ ପାଇଁ ଅଧିକ ଟଙ୍କା ଖର୍ଚ୍ଚ କରାଯାଉଛି । ସେଥିଲାଗି ତିନି ପ୍ରକାରର ଥିବା କ୍ୟାବିନର ମୂଲ୍ୟରେ ପରିବର୍ତ୍ତନ କରାଯାଇଛି।
ଭିଡିଓ ସୌଜନ୍ୟ: ସମ୍ବାଦଦାତା, ଭୁବନେଶ୍ବର
ଉନ୍ନତ ମାନର ରୋଗୀ ସେବା ଯୋଗାଇ ଦେବା ପାଇଁ କ୍ୟାପିଟାଲ ହସ୍ପିଟାଲ କର୍ତ୍ତୃପକ୍ଷ ବିଭିନ୍ନ କ୍ୟାବିନର ମୂଲ୍ୟକୁ ବଢ଼ାଇଛନ୍ତି । ରୋଗୀମାନେ ଭଲ ସୁବିଧା ସୁଯୋଗ ପାଇବା ସହ ସୁରକ୍ଷିତ ରହିପାରିବେ । ପୂର୍ବରୁ ରହିଥିବା ମୂଲ୍ୟ ଅନୁଯାଇ ୩୦୦ ଟଙ୍କା ଅଧିକ ବଢ଼ାଇ ଦିଆଯାଇଛି । ନର୍ସିଂ ହୋମର ମୂଲ୍ୟ ୭୦୦ ଟଙ୍କା ରହିଥିବା ବେଳେ ଏହାକୁ ୩୦୦ ଟଙ୍କା ବଢ଼ାଇ ୧୦୦୦ ଟଙ୍କା କରାଯାଇଛି । ସେହିପରି ସ୍ବତନ୍ତ୍ର କ୍ୟାବିନର ମୂଲ୍ୟ ୪୫୦ ଟଙ୍କା ରହିଥିବା ବେଳେ ଏହାକୁ ୭୦୦ ଟଙ୍କା କରାଯାଇଛି । ସାଧାରଣ କ୍ୟାବିନ ୩୫୦ ଟଙ୍କା ରହିଥିବା ବେଳେ ଏବେ ଏହାକୁ ୫୦୦ ଟଙ୍କା କରାଯାଇଛି।