ଭୁବନେଶ୍ବର : ଆସନ୍ତା ଅକ୍ଟୋବର 21 ତାରିଖରେ ବରଗଡର ବିଜେପୁର ନିର୍ବାଚନମଣ୍ଡଳୀ ପାଇଁ ହେବ ଉପ ନିର୍ବାଚନ। ଏନେଇ ସାମ୍ବାଦିକ ସମ୍ମିଳନୀରେ ଘୋଷଣା କରିଛନ୍ତି କେନ୍ଦ୍ରୀୟ ନିର୍ବାଚନ ଆୟୋଗ(ସିଇସି)। ଓଡିଶା ସମେତ ଅନ୍ୟ 18ଟି ରାଜ୍ୟର ମୋଟ 64ଟି ବିଧାନସଭା ଆସନରେ ଉପନିର୍ବାଚନ ଅନୁଷ୍ଠିତ ହେବାକୁ ଯାଉଛି ।
ଅକ୍ଟୋବର 21ରେ ବିଜେପୁର ଉପନିର୍ବାଚନ ପାଇଁ ଭୋଟ ଗ୍ରହଣ ହେବ। ସେପ୍ଟେମ୍ବର 23ରେ ନିର୍ବାଚନ ବିଜ୍ଞପ୍ତି ପ୍ରକାଶ ପାଇବାକୁ ଥିବା ବେଳେ ଆଜି ଠାରୁ ଆଦର୍ଶ ଆଚରଣ ବିଧି ଲାଗୁ କରିଛନ୍ତି ନିର୍ବାଚନ କମିଶନ। ସେହିପରି ପ୍ରାର୍ଥୀପତ୍ର ଦାଖଲର ଶେଷ ତାରିଖ 30 ସେପ୍ଟେମ୍ବର ରହିଛି। ଅକ୍ଟୋବର ପହିଲାରେ ହେବ ପ୍ରାର୍ଥୀପତ୍ର ଯାଞ୍ଚ। ନାମାଙ୍କନ ପ୍ରତ୍ୟାହାରର ଶେଷ ତାରିଖ ହେଉଛି 3 ଅକ୍ଟୋବର। ଆସନ୍ତା ମାସ 24 ତାରିଖରେ ପ୍ରକାଶ ପାଇବ ଏହି ଉପନିର୍ବାଚନର ଫଳାଫଳ।
ଭିଡିଓ ସୌଜନ୍ୟ: ସମ୍ବାଦଦାତା, ଭୁବନେଶ୍ବର