ଭୁବନେଶ୍ବର: ରାଜ୍ୟରେ କୋହଳ ହୋଇଛି ଲକଡାଉନ କଟକଣା । ସୋମବାରଠାରୁ ରାସ୍ତାରେ ଗଡିବ ବସ ଓ ଅନାନ୍ୟ ଗାଡି। ଏବେ ଯାତ୍ରୀ ପରିବହନକୁ ଅନୁମୋଦନ ଦେଇଛନ୍ତି ସରକାର । ଯେ କୌଣସି ଯାତ୍ରୀ ଯାତ୍ରା କରିବା ବେଳେ ମାସ୍କ ପିନ୍ଧିବା ବାଧ୍ୟତାମୂଳକ ବୋଲି କହିଛନ୍ତି ସ୍ବତନ୍ତ୍ର ରିଲିଫ କମିଶନର ପ୍ରଦୀପ ଜେନା । ଏସଆରସି କହିଛନ୍ତି ଯେ ରାଜ୍ୟରେ ସୋମବାର ଠାରୁ ଟ୍ୟାକ୍ସି ଓ ଘରୋଇ ଯାନ ସହ ସରକାରୀ ଗାଡି ମଧ୍ୟ ଚାଲିବ। ସେହିପରି ସିଟି ବସ ଚଳାଚଳକୁ ମଧ୍ୟ ଅନୁମତି ପ୍ରଦାନ କରାଯାଇଛି ।
ଉଦ୍ଧିଷ୍ଟ ସିଟରୁ ଅଧିକ ଯାତ୍ରୀଙ୍କୁ ନେଇ ଯାତ୍ରା କଲେ ବସ ଉପରେ କଡା କାର୍ଯ୍ୟାନୁଷ୍ଠାନ ନିଆଯିବ। ଯାତ୍ରୀ ଯଦି ମାସ୍କ ନ ପିନ୍ଧନ୍ତି ତେବେ ତାଙ୍କ ଉପରେ ମଧ୍ୟ କାର୍ଯ୍ୟନୁଷ୍ଠାନ ନିଆଯିବ ବୋଲି କୁହାଯାଇଛି । ଚାରି ଚକିଆ ଯାନରେ ଯିବାକୁ ହେଲେ ଡ୍ରାଇଭରକୁ ଛାଡି 2 ଜଣ ଯାତ୍ରୀ ଯାତ୍ରା କରିପାରିବେ। ବସରେ ଯାତ୍ରୀଙ୍କ କ୍ଷମତାଠାରୁ ଅଧିକ ନେଲେ ହେବ କାର୍ଯ୍ୟାନୁଷ୍ଠାନ। ବସ ଷ୍ଟପରୁ ଦିନରାତି ଯାନନବାହନ ଚଳାଚଳକୁ ଅନୁମତି ଦିଆଯାଇଛି । କୋରୋନା ଲକ୍ଷଣ ଥିଲେ ଗାଡିରେ ଯିବାକୁ ବାରଣ କରାଯାଇଛି। ଆନ୍ତଃରାଜ୍ୟ ବସ ଓ ଟ୍ରେନ ଚଳାଚଳ ପାଇଁ ନିଷ୍ପତ୍ତି ନିଆଯାଇଛି।