ଭୁବନେଶ୍ବର: ସୋମବାର ପୋଲିସ ଭ୍ୟାନ ଓ ବସ ମୁହାଁମୁହିଁ ଧକ୍କା ହୋଇଛି । ଯାହାଫଳରେ ବସରେ ଥିବା 35ଜଣ ଯାତ୍ରୀ ଗୁରୁତର ହୋଇଛନ୍ତି । ତେବେ ଏଭଳି ଅଭାବନୀୟ ଘଟଣା ଘଟିଛି ଭୁବନେଶ୍ୱରସ୍ଥିତ ଜନତା ମୈଦାନ ସମ୍ମୁଖରେ ।
ଭିଡିଓ ସୌଜନ୍ୟ:ପ୍ରତିନିଧି, ଭୁବନେଶ୍ବର
ସୂଚନା ଅନୁଯାୟୀ, ସୋମବାର ଜନତା ମୈଦାନ ସମ୍ମୁଖରେ ପୋଲିସ ଭ୍ୟାନ ଯାଉଥିବା ବେଳେ ଏକ ବସକୁ ଧକ୍କା ଦେଇଥିଲା। ଫଳରେ ବସଟି ଭାରସାମ୍ୟ ହରାଇ ଗୋଟିଏ କାର ସହ ପିଟି ହୋଇ ଯାଇଥିଲା। ଫଳରେ ଏକ ସାଙ୍ଗରେ ତିନୋଟି ଗାଡି ଦୁର୍ଘଟଣାର ସମ୍ମୁଖିନ ହୋଇଥିଲେ। ତେବେ ଏହି ର୍ଦୁଘଟଣାରେ ବସରେ ଥିବା 35 ଜଣ ଯାତ୍ରୀ ଆହତ ହୋଇଥିଲେ । ଆହତମାନଙ୍କୁ ଗୁରୁତର ଅବସ୍ଥାରେ ନିକଟସ୍ଥ ମେଡିକାଲରେ ଭର୍ତ୍ତି କରାଯାଇଥିଲା ।