ମଦ ଭାଟିରେ ପାଉଡର ଲେଡି ଗିରଫ, ଚାଖଣା ଆଳରେ ବିକୁଥିଲା ଧଳାଜହର

ମଞ୍ଚେଶ୍ବର ପଳାଶୁଣିରେ ଥିବା ମଦ ଭାଟିରେ ବ୍ରାଉନ ସୁଗାର ବେପାର । ତାହା ପୁଣି ଜଣେ ମହିଳାଙ୍କ ଜରିଆରେ । 185 ଗ୍ରାମ ବ୍ରାଉନସୁଗାର ସହ 11 ହଜାର ଟଙ୍କା ସହ ଏଥିରେ ସମ୍ପୃକ୍ତ ମହିଳାଙ୍କୁ ଗିରଫ କଲା ଅବକାରୀ ବିଭାଗ ।

ଭୁବନେଶ୍ବର:ମହିଳାଙ୍କ ଜରିଆରେ ବ୍ରାଉନସୁଗାର ବେପାର । ମଞ୍ଚେଶ୍ବର ପଳାଶୁଣିରେ ଥିବା ମଦ ଭାଟି ଉପରେ ଅବକାରୀ ବିଭାଗର ଚଢାଉ ପରେ ମିଳିଛି ସୁରାଗ । ବ୍ରାଉନସୁଗାର ସହ ଏଥିରେ ସମ୍ପୃକ୍ତ ଜଣେ ମହିଳା ଗିରଫ । ମହିଳାଙ୍କ ଠାରୁ ୧୮୫ ଗ୍ରାମର ବ୍ରାଉନସୁଗାର ସହ ୧୧ ହଜାର ଟଙ୍କା ଜବତ ହୋଇଥିବା ଅବକାରୀ ବିଭାଗ ପକ୍ଷରୁ ଦିଆଯାଇଛି ସୂଚନା ।

ଗିରଫ ମହିଳା ଜଣଙ୍କ ପଳାଶୁଣିର ପ୍ରମିଳା ପ୍ରଧାନ ବୋଲି ଜଣାପଡିଛି । ମଦ ବେପାରୀ ହାଡିଆ ପୋଲିସ ସ୍କାନରରୁ ବର୍ତ୍ତିବାକୁ ଏପରି ମହିଳାଙ୍କ ଜରିଆରେ ବ୍ରାଉନସୁଗାର କାରବାର ଚଳାଇଥିଲା । ଏନେଇ ଭୁବନେଶ୍ବର ଅବକାରୀ ଟିମ ଖବର ପାଇ ଚଢାଉ କରିଥିବା ଜଣାପଡିଛି।

ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ