ଭୁବନେଶ୍ବର: ଖୋର୍ଦ୍ଧା ଜଙ୍କିଆ ଥାନା ଅଞ୍ଚଳରେ ଏସଟିଏଫର ଚଢାଉ । ସୋମବାର ରାତି ପ୍ରାୟ ୯ଟା ବେଳେ ଏଟିଏଫ୍ ସହଯୋଗରେ ଜଙ୍କିଆ ଥାନା ପୋଲିସ ସ୍ଥାନୀୟ ଓରବରସିଂହ ଗ୍ରାମରୁ ଜଣେ ବ୍ରାଉନ୍ସୁଗାର ବେପାରୀକୁ ଗିରଫ କରିବା ସହ ତାଙ୍କଠାରୁ ୩୨୦ ଗ୍ରାମ ବ୍ରାଉନ୍ସୁଗାର ଓ ୮୦ ଗ୍ରାମ ଓଜନର ସୁନା ଅଳଙ୍କାର ଜବତ କରିଛନ୍ତି । ଗିରଫ ଅଭିଯୁକ୍ତ ଜଣଙ୍କ ଅକ୍ଷୟ ବଳିଆର ସିଂ ବୋଲି ଜଣାପଡିଛି ।
କାଗଜ ଗୁଳା, ପଥର ସନ୍ଧିରେ ଧଳାଜହର ଚାଲାଣ
ଜଙ୍କିଆ ପୋଲିସ ସୂତ୍ରରୁ ପ୍ରକାଶ ଯେ, ଓରବରସିଂହ ଗ୍ରାମର ଅଶୋକ ବଳିଆରସିଂହଙ୍କ ପୁଅ ଅକ୍ଷୟ ବଳିଆରସିଂହ ଜିଲ୍ଲା ବାହାରୁ ବ୍ରାଉନ୍ସୁଗାର ଆଣି ପଞ୍ଚାୟତ ସମେତ ନିକଟସ୍ଥ ଅଞ୍ଚଳର ଛୋଟ ଛୋଟ ବ୍ୟବସାୟୀଙ୍କୁ ଯୋଗାଉଥିବା ନେଇ ପୋଲିସକୁ ସୂଚନା ମିଳିଥିଲା । ଏଥିରେ ଅକ୍ଷୟକୁ ତା’ର ମା’ ମଧ୍ୟ ସହଯୋଗ କରୁଥିଲେ।