ଭୁବନେଶ୍ବର:ବାଜିଛି ବ୍ରଜରାଜନଗର ନଗର ଉପ ନିର୍ବାଚନ ନେଇ ବିଗୁଲ । ଏ ନେଇ ଆଜି ବିଧିବଦ୍ଧ ଭାବେ ଘୋଷଣା କରିଛନ୍ତି ଭାରତର ନିର୍ବାଚନ କମିଶନ । ମେ 31ରେ ଭୋଟ ଗ୍ରହଣ ପାଇଁ ଦିନ ଧାର୍ଯ୍ୟ ହୋଇଥିବାବେଳେ ଜୁନ 3 ରେ ପ୍ରକାଶ ପାଇବ ଫଳାଫଳ ।
ନିର୍ବାଚନ ଆୟୋଗଙ୍କ ସୂଚନା ଅନୁସାରେ, ମେ 31 ତାରିଖରେ ବ୍ରଜରାଜନଗର ଉପ ନିର୍ବାଚନ ଅନୁଷ୍ଠିତ ହେବ । ସେହିପରି ଜୁନ 3 ତାରିଖରେ ଭୋଟ ଗଣତି ସହ ଫଳାଫଳ ପ୍ରକାଶ ପାଇବ । ଉପ ନିର୍ବାଚନ ପାଇଁ ମେ 4 ତାରିଖରେ ଗଜେଟ ନୋଟିଫିକେସନ ପ୍ରକାଶ ପାଇବ । ନାମାଙ୍କନ ପତ୍ର ଦାଖଲର ଶେଷ ତାରିଖ ମେ 11 ତାରିଖରେ ରହିଛି । ମେ 12 ତାରିଖରେ ନାମାଙ୍କନ ପତ୍ର ଯାଞ୍ଚ ହେବ । 17 ତାରିଖ ହେଉଛି ନାମାଙ୍କନ ପ୍ରତ୍ୟାହାରର ଶେଷ ଦିନ ।