ଭୁବନେଶ୍ବର: ଶନିବାର ଭୁବନେଶ୍ବରରେ ମିଳିବ ଦ୍ବିତୀୟ ଡୋଜ କୋଭିଡ ଟୀକା। ୪୫ ବର୍ଷରୁ ଉର୍ଦ୍ଧ୍ବ ବୟସ୍କଙ୍କୁ ମିଳିବ ଦ୍ବିତୀୟ ଡୋଜ ଟୀକା। ୪୫ ବର୍ଷରୁ ଅଧିକ ବୟସ୍କଙ୍କ ଦ୍ବିତୀୟ ଡୋଜ ଟିକାକରଣ ପାଇଁ ସ୍ବତନ୍ତ୍ର ବ୍ୟବସ୍ଥା କରାଯାଇଛି।
କାଲିଠୁ ଏସ୍ପ୍ଲାନେଡ ମଲରେ 45 ବର୍ଷରୁ ଉର୍ଦ୍ଧ୍ବଙ୍କୁ ମିଳିବ ଦ୍ବିତୀୟ ଡୋଜ ଟୀକା
ରାଜଧାନୀରେ ପାଇଲଟ ପ୍ରକଳ୍ପ ଭାବେ ରସୁଲଗଡ଼ ଛକରେ ଥିବା ଏସପ୍ଲାନେଡ ମଲର ପାର୍କିଂ ସ୍ଥଳରେ ଆରମ୍ଭ ହେବ ଭ୍ରାମ୍ୟମାଣ ଟିକାକରଣ ବ୍ୟବସ୍ଥା। ପ୍ରଥମ ଦିନରେ ୪ଶହ ଓ ତାପରେ ଦୈନିକ ୫ଶହ ଲେଖାଏଁ ଟୀକା ଦିଆଯିବ। ସମସ୍ତଙ୍କୁ ଅନଲାଇନରେ ନିଜ ନିଜ ସ୍ଲଟ ବୁକିଂ କରିବାକୁ ହେବ। ଟୀକାକରଣ କେନ୍ଦ୍ରରେ ଆସିବା ସମୟରେ ଆଧାରକାର୍ଡ ସହ ପୂର୍ବରୁ ଭ୍ୟାକ୍ସିନ ନେଇଥିବା ପରିଚୟ ନେବାକୁ ପଡିବ ।