ଭୁବନେଶ୍ବର:ପୁଣି ମାଡିଲାଣି ମହାମାରୀ । ରାଜଧାନୀ ବାଣୀବିହାର ସ୍ଥିତ ଡିସିପି ଅଫିସରେ ପଶିଲା କୋରୋନା । ସଂକ୍ରମଣରେ ରୋକ ଲଗାଇବାକୁ ଡିସିପି ଅଫିସ୍ ସିଲ କରିଛି ବିଏମସି (bmc sealed DCP office) । ସାଧାରଣ ଲୋକଙ୍କ ଡିସିପି ଅଫିସକୁ ଯିବା ଉପରେ କଟକଣା ଜାରି । ଆଜି ଓ ଆସନ୍ତାକାଲି ଦୁଇ ଦିନ ପାଇଁ ଅଫିସକୁ ସିଲ୍ କରିଛି ବିଏମ୍ସି । ଏନେଇ ସୂଚନା ଦେଇଛନ୍ତି ବିଏମ୍ସିର ଦକ୍ଷିଣ ପୂର୍ବ ଜୋନାଲ୍ ଡେପୁଟି କମିଶନର ମହେନ୍ଦ୍ର କୁମାର ବଢ଼େଇ ।
DCP ଅଫିସରେ ପଶିଲା କୋରୋନା
ଡିସିପି କାର୍ଯ୍ୟାଳୟର ପ୍ରାୟ ୧୦ରୁ ଅଧିକ କର୍ମଚାରୀ ପଜିଟିଭ ଚିହ୍ନଟ ହୋଇଛନ୍ତି। ବାହାରୁ ଅନ୍ୟମାନଙ୍କୁ ପ୍ରବେଶ କରିବାକୁ ବାରଣ କରାଯାଇଛି। ଏଥିସହ ଭିତରେ ଯେଉଁ କର୍ମଚାରୀ ଭିତରେ ଅଛନ୍ତି ସମସ୍ତଙ୍କ ଟେଷ୍ଟିଂ ଓ ଟ୍ରାକିଂକୁ ଗୁରୁତ୍ବ ଦିଆଯାଉଛି । ସେମାନଙ୍କୁ ମଧ୍ୟ ବାହାରକୁ ଯିବାକୁ ଅନୁମତି ମିଳିନାହିଁ । ବିଏମସିର ପରବର୍ତ୍ତୀ ନିର୍ଦ୍ଦେଶ ପର୍ଯ୍ୟନ୍ତ ସେମାନଙ୍କୁ କାର୍ଯ୍ୟାଳୟ ଭିତରେ ହିଁ ରହିବାକୁ କୁହାଯାଇଛି।