ଭୁବନେଶ୍ବର: ରାଜ୍ୟରେ କୋରୋନାର ଦ୍ବିତୀୟ ଲହର ନେଇ ଚିନ୍ତାରେ ସରକାର । ସଂକ୍ରମଣ ରୋକିବାକୁ ବିଭିନ୍ନ ଆଧାରରେ ପ୍ରଶାସନ ସଂକ୍ରମଣରେ ରୋକ ଲଗେଇବା ପାଇଁ ବିଏମସି ପକ୍ଷରୁ ପ୍ରୟାସ ଜାରି ରହିଛି । ତେବେ ଟୀକାକରଣ ସମୟରେ ସମସ୍ତେ କୋଭିଡ ନିୟମକୁ ପାଳନ କରିବା ପାଇଁ ବିଏମସି କମିଶନର ପ୍ରେମଚନ୍ଦ୍ର ଚୌଧୁରୀ ଲୋକମାନଙ୍କୁ ଅନୁରୋଧ କରିଛନ୍ତି ।
ଟୀକାକରଣ ସମୟରେ ନିୟମ ପାଳିବାକୁ ବିଏମସିର ଅନୁରୋଧ
ଟୀକାକରଣ ବ୍ୟାପକ ଭାବେ ଚାଲିଛି । 18 ରୁ 44 ବର୍ଷ ବୟସ୍କ ଆପ ମାଧ୍ୟମରେ ସ୍ଲଟ ବୁକିଂ କରି ଟୀକାକରଣରେ ସାମିଲ ହେଉଛନ୍ତି । ଭୁବନେଶ୍ବରରେ ସକାଳ 9ଟାରୁ ଆରମ୍ଭ ହୋଇ ଦିନ 2ଟା ପର୍ଯ୍ୟନ୍ତ ଚାଲୁଛି । 45 ବର୍ଷ ଉପରେ ବୟସ୍କଙ୍କ ପାଇଁ ଅପରାହ୍ନ 3 ଟାରୁ 5ଟା ପର୍ଯ୍ୟନ୍ତ ଚାଲୁଛି । ଲୋକେ ଟୀକାକରଣ ବେଳେ କୋଭିଡ ନିୟମ ପାଳନ କରନ୍ତୁ ବୋଲି ଅନୁରୋଧ କରିଛନ୍ତି ବିଏମସି କମିଶନର ।