ଭୁବନେଶ୍ବର: ବେଆଇନ ଭାବେ ପ୍ଲାଷ୍ଟିକ ଉତ୍ପାଦନ କରୁଥିବା କମ୍ପାନୀ ଉପରେ ବିଏମସିର ଚଢ଼ାଉ। କମ୍ପାନୀ ସିଲ କରବା ସହ ଲକ୍ଷାଧିକ ଟଙ୍କାର ସାମଗ୍ରୀ ଜବତ କଲା ବିଏମସି ସେଣ୍ଟ୍ରାଲ ଏସବିଏ ସେଲ । ଘଟଣାରୁ ପ୍ରକାଶ ଯେ ଭୁବନେଶ୍ବର ପାତ୍ରପଡା ଅଞ୍ଚଳରେ ଏକ କାରଖାନାରେ ପ୍ଲାଷ୍ଟିକ ସାମଗ୍ରୀ ଉତ୍ପାଦନ ହେଉଥିବା ବିଏମସି ନିକଟକୁ ବିଶ୍ବସ୍ତ ସୂତ୍ରରୁ ଖବର ମିଳିଥିଲା । ଯାହାକୁ ନେଇ ବିଏମସିର ଏକ ଟିମ ବୁଧବାର ସକାଳେ ପାତ୍ରପଡା ଠାରେ ଥିବା ରଞ୍ଜିତା ପ୍ୟାକେଜର ଉପରେ ଚଢ଼ାଉ କରିଥିଲା ।
ବେନିୟମ ପ୍ଲାଷ୍ଟିକ କମ୍ପାନୀରେ ବିଏମସିର ଚଢ଼ାଉ
ଏହି କାରଖାନାରେ ବହୁ ପରିମାଣର ପ୍ଲାଷ୍ଟିକ ସାମଗ୍ରୀ ପାଇଥିଲେ। ଯାହାକି ନିୟମ ଅନୁଯାୟୀ ଓଡ଼ିଶାରେ ବ୍ୟାନ ହୋଇଛି । ତେଣୁ ଏହି ଟିମ କମ୍ପାନୀ କର୍ତ୍ତୃପକ୍ଷଙ୍କ ଠାରୁ ସବିଶେଷ ସୂଚନା ସଂଗ୍ରହ କରିବା ସହ ଭୁବନେଶ୍ବର ପଲ୍ୟୁସନ କଣ୍ଟ୍ରୋଲ ବୋର୍ଡ ସହାୟତାରେ ତଦନ୍ତ କରିଥିଲେ। ସେମାନଙ୍କ ତଦନ୍ତରୁ ଏହା ପ୍ରସ୍ତୁତ ହେଉଥିବା ସାମଗ୍ରୀ ପ୍ରଦୂଷଣ କାରକ ହୋଇଥିବା ଜଣାପଡିବାରୁ ସ୍ବତନ୍ତ୍ର ଟିମ ଏହି କାରଖାନାକୁ ସିଲ କରିଛନ୍ତି ।