ଭୁବନେଶ୍ବର:ପାର୍ବଣ ପାଖେଇ ଆସୁଥିବାବେଳେ ମାର୍ଗଦର୍ଶିକା ଜାରି କଲା ଭୁବନେଶ୍ବର ମହାନଗର ନିଗମ (BMC)। COVID-19 ସ୍ଥିତିକୁ ଦୃଷ୍ଟିରେ ରଖି ମହାନଗର ପକ୍ଷରୁ ପୂଜା ଓ ଉତ୍ସବପାଳନ ନେଇ ବ୍ୟାପକ ନିର୍ଦ୍ଦେଶନାମା ଜାରି କରାଯାଇଛି । ପାର୍ବଣ ଅବଧି ତଥା ୧୧ ଅକ୍ଟୋବରରୁ ୧୫ ଅକ୍ଟୋବର ପର୍ଯ୍ୟନ୍ତ ଏହି ଗାଇଡଲାଇନ ପାଳନ କରିବାକୁ ମାର୍ଗଦର୍ଶିକାରେ ନିର୍ଦ୍ଦେଶ ରହିଛି ।
ଆସିଲା BMCର ଦୁର୍ଗାପୂଜା ମାର୍ଗଦର୍ଶିକା: ସାଧାରଣ ଦର୍ଶନକୁ ନାଁ, କେବଳ ନୀତିକାନ୍ତିରେ ସରିବ ପୂଜା ମାର୍ଗ ଦର୍ଶିକାରେ ଜାରି କରାଯାଇଥିବା ନିର୍ଦ୍ଦେଶାବଳୀ ଗୁଡିକ:-
1. ସର୍ବସାଧାରଣ ପୂଜା ପାଳନ ପାଇଁ କୌଣସି ଧାର୍ମିକ ଏବଂ ସାଂସ୍କୃତିକ ମଣ୍ଡଳୀକୁ ଅନୁମତି ଦିଆଯିବ ନାହିଁ । ପୂଜା କମିଟି ବା ଆୟୋଜକମାନେ ସାମାଜିକ ଦୂରତା, ମାସ୍କ ପିନ୍ଧିବା, ସ୍ବଛତା ଅବଲମ୍ବନ କରିବା ଭଳି ଅନ୍ୟ ସମସ୍ତ କୋଭିଡ ପ୍ରୋଟୋକଲକୁ ପାଳନ କରିବେ । ଏହାସହ ପୋଲିସ୍ କମିଶନରଙ୍କ ଅନୁମତି ପ୍ରାପ୍ତ ଅଧିକାରୀଙ୍କ ଅନୁମତି ମଧ୍ୟ ନେବାକୁ ପଡିବ ।
2. ପୂଜା କେବଳ ରୀତିନୀତି ଅନୁସାରେ ପାଳନ କରିବାକୁ ଅନୁମତି ଥିବାବେଳେ ସାଧାରଣ ଦର୍ଶନକୁ ସମ୍ପୂର୍ଣ୍ଣ ନିଷେଧ କରାଯାଇଛି ।
ଆସିଲା BMCର ଦୁର୍ଗାପୂଜା ମାର୍ଗଦର୍ଶିକା: ସାଧାରଣ ଦର୍ଶନକୁ ନାଁ, କେବଳ ନୀତିକାନ୍ତିରେ ସରିବ ପୂଜା 3.ପୁରୋହିତଙ୍କ ଦ୍ବାରା ରୀତିନୀତି ଅନୁଯାୟୀ ବ୍ୟବହାର ଉଦ୍ଦେଶ୍ୟରେ ମଣ୍ଡପ ବା ପେଣ୍ଡାଲଙ୍କୁ ତିନି ପାର୍ଶ୍ବରେ ବନ୍ଦ କରିବା କେବଳ ଗୋଟିଏ ପାର୍ଶ୍ବ ଖୋଲା ରଖି ପୂଜା ସମ୍ପନ୍ନ କରିବା ନେଇ ନିର୍ଦ୍ଦେଶାବଳୀରେ କୁହାଯାଇଛି ।
4.ମା’ଙ୍କ ମୂର୍ତ୍ତିର ଉଚ୍ଚତା ୪ ଫୁଟରୁ କମ୍ ହେବ । ମଣ୍ଡପରେ 7 ରୁ ଅଧିକ ବ୍ୟକ୍ତି ଅନୁମତି ପାଇବେ ନାହିଁ। ମଣ୍ଡପରେ ଆୟୋଜକ, ପୁରୋହିତ ଓ ସହାୟକ କର୍ମଚାରୀ ଉପସ୍ଥିତ ରହି ପୂଜା ରୀତିନୀତି ସମ୍ପନ୍ନ କରିବେ । ପୂଜା ପାଳନରେ ଅଂଶ ଗ୍ରହଣ କରିବା ପାଇଁ 2ଡୋଜ ସମ୍ପୂର୍ଣ୍ଣ ହୋଇଥିବା ବ୍ୟକ୍ତିଙ୍କୁ ହିଁ ଅନୁମତି ମିଳିଛି ।
5. ବୁଡ଼ ପକାଇବା ସମୟରେ ଉପଯୁକ୍ତ COVID ଆଚରଣକୁ ମାନିବାକୁ ମାନିବା ସହ ସର୍ବାଧିକ 10 ଜଣ ଉପସ୍ଥିତ ରହିବା ନେଇ ନିର୍ଦ୍ଦେଶ ରହିଛି । ପୂଜା ସମୟରେ କୌଣସି ପ୍ରକାରର ଧାର୍ମିକ କିମ୍ବା ମନୋରଞ୍ଜନ କାର୍ଯ୍ୟକ୍ରମ, ଶୋଭାଯାତ୍ରା ଅନୁଷ୍ଠିତ ହୋଇ ପାରିବ ନାହିଁ ।
6.ଭସାଣି ବେଳେ କେହି ବୁଡ଼ ପକାଇବେ ନାହିଁ ଏବଂ ଏହି ଉଦ୍ଦେଶ୍ୟରେ ବିଏମସି ଦ୍ବାରା ଉଦ୍ଦିଷ୍ଟ କୃତ୍ରିମ ପୋଖରୀରେ ମୂର୍ତ୍ତିଗୁଡ଼ିକୁ ବିସର୍ଜନ କରାଯିବ ।
7.ପୂଜା କମିଟି କର୍ମକର୍ତ୍ତା ସେମାନଙ୍କ ସଦସ୍ୟଙ୍କୁ କଟକଣା ସମ୍ପର୍କରେ ଅବଗତ କରାଇବା ସହ ବ୍ୟକ୍ତିଗତ କୋଭିଡ ଟିକା ସାର୍ଟିଫିକେଟ ଅଧିକୃତ ଅଧିକାରୀଙ୍କ ଜରିଆରେ ଯାଞ୍ଚ ମଧ୍ୟ କରାଇବେ ।
ଭୁବନେଶ୍ବରରୁ ଦେବସ୍ମିତା ରାଉତ, ଇଟିଭି ଭାରତ
