ଭୁବନେଶ୍ୱର: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ବିଜେପିର ଅନ୍ୟ ନେତାମାନେ ଆରମ୍ଭ କରିଥିବା ଚୌକିଦାର ଅଭିଯାନକୁ କଟାକ୍ଷ କରିଛନ୍ତି ବିଜେଡି ବିଧାୟକ ଅରୁଣ କୁମାର ସାହୁ । ଚୌକିଦାର କହିଲେ ସାଧାରଣ ଲୋକେ ଚୌକି ଦରକାର ବୋଲି ବୁଝୁଥିବା ସେ ଜଣାଇଛନ୍ତି ।
ଭିଡିଓ ସୌଜନ୍ୟ: ବ୍ୟୁରୋଚିଫ, ଭୁବନେଶ୍ୱର
ପୂର୍ବରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ନିଜକୁ ଦେଶର ଚୌକିଦାର ବୋଲି କହୁଥିଲେ । ଏହି ଚୌକିଦାର ଉପାଖ୍ୟାନକୁ ନେଇ ଏଆଇସିସି ସଭାପତି ରାହୁଲ ଗାନ୍ଧୀ ଓ ମୋଦିଙ୍କ ମଧ୍ୟରେ ଅନେକ ସମୟରେ କଥା କଟାକଟି ମଧ୍ୟ ହୋଇଛି । ତେବେ ନିକଟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସମେତ ବିଜେପିର ସମସ୍ତ ଆଗ ଧାଡ଼ିର ନେତା ଏବଂ ମନ୍ତ୍ରୀ ନିଜର ସୋସିଆଲ ମିଡିଆ ହ୍ୟାଣ୍ଡେଲରେ ନାଁ ପୂର୍ବରୁ ଚୌକିଦାର ଲଗାଇଛନ୍ତି । କହିବାକୁ ଗଲେ ଦେଶର ସାଧାରଣ ଜନତା ମଧ୍ୟ ଏହି ଟ୍ରେଣ୍ଡରେ ସାମିଲ ହୋଇ ନିଜର ନାଁ ପୂର୍ବକୁ ଚୌକିଦାର ଲେଖିବା ଆରମ୍ଭ କଲେଣି । ତେବେ ଏହାକୁ ଏକ ମଜାଳିଆ ଢଙ୍ଗରେ ସମାଲୋଚନା କରିଛନ୍ତି ବିଜେଡି ନେତା ଅରୁଣ ସାହୁ ।