ଭୁବନେଶ୍ବର: ବିଜେବି କଲେଜରେ ଆତ୍ମହତ୍ୟା କରିଥିବା ଛାତ୍ରୀ ରୁଚିକା ମହାନ୍ତିଙ୍କ ଉଦ୍ଦେଶ୍ୟରେ କ୍ୟାଣ୍ଡେଲ ଶୋଭାଯାତ୍ରା କରାଯାଇଛି। ଭୁବନେଶ୍ବର ସାଙ୍ଗଠନିକ ଜିଲ୍ଲା ବିଜେପିର ଯୁବମୋର୍ଚ୍ଚା ତରଫରୁ ରୁଚିକା ମହାନ୍ତିଙ୍କ ଅମର ଆତ୍ମାର ଶାନ୍ତି ନିମନ୍ତେ ପ୍ରାର୍ଥନା କରାଯାଇଛି । ରାଜ୍ୟ ବିଜେପି କାର୍ଯ୍ୟାଳୟ ଠାରୁ ରାମ ମନ୍ଦିର ଛକ ପର୍ଯ୍ୟନ୍ତ କ୍ୟାଣ୍ଡେଲ ଶୋଭାଯାତ୍ରା ଅନୁଷ୍ଠିତ ହୋଇଯାଇଛି ।
ବିଜେବି କଲେଜ ଆତ୍ମହତ୍ୟା ମୃତ ଘଟଣାରେ ବିଜେପି ଯୁବ ମୋର୍ଚ୍ଚାର କ୍ୟାଣ୍ଡେଲ ଶୋଭାଯାତ୍ରା ଏହାସହ ରୁଚିକା ମହାନ୍ତିଙ୍କୁ ନ୍ୟାୟ ଦାବି କରିଛି ବିଜେପି ଯୁବ ମୋର୍ଚ୍ଚା । ସାରା ଓଡିଶାରେ ଏହି ଘଟଣାକୁ ନେଇ ଉଦବେଗ ପ୍ରକାଶ ପାଇଥିବା ବେଳେ, ଏବେ ବି ବିଜେବି କଲେଜ ସମ୍ମୁଖରେ ଧାରଣାରେ ବସିଛନ୍ତି ରୁଚିକା ମହାନ୍ତିଙ୍କ ମା’ ବାପା ଏବଂ ବିଭିନ୍ନ ସାମଜିକ ସଂଗଠନ । ଘଟଣାକୁ 4 ଦିନ ପରେ ବି ଅଭିଯୁକ୍ତ, 3 ସିନିୟରଙ୍କ ପାଖରେ ପହଞ୍ଚି ପାରିନି ପୋଲିସ । ଏହା ଭିତରେ 100 ଜଣକୁ ଜେରା କରିସରିଲାଣି ତଦନ୍ତକାରୀ ଦଳ । ଆଉ ସେଥତ୍ପାଇଁ ପୋଲିସ ବଦଳରେ ସିବିଆଇ ତଦନ୍ତ ଦାବିରେ ଅଡି ବସିଛନ୍ତି ବାପା ମା’ ।
ଇଟିଭି ଭାରତ, ଭୁବନେଶ୍ବର
