ଭୁବନେଶ୍ବର: ତ୍ରିସ୍ତରୀୟ ପଞ୍ଚାୟତ ନିର୍ବାଚନ ପାଇଁ ଆରମ୍ଭ ହୋଇଛି ଭୋଟ୍ ଗଣତି । କଡ଼ା ସୁରକ୍ଷା ମଧ୍ୟରେ ଭୋଟ ଗଣତି ଚାଲିଛି। ସକାଳ ୮ଟାରୁ ଭୋଟ୍ ଗଣତି ଆରମ୍ଭ ହୋଇଥିଲା । ବର୍ତ୍ତମାନ ସୁଦ୍ଧା ଅଧିକାଂଶ ସ୍ଥାନରେ ପ୍ରଥମ ରାଉଣ୍ଡ ଗଣତି ଶେଷ ହୋଇଛି । 851ଟି ଜିଲ୍ଲା ପରିଷଦ ଆସନ ମଧ୍ୟରୁ 263 ସିଟରେ ଟ୍ରେଣ୍ଡିଂ ଅନୁସାରେ ବିଜେଡି ଆଗରେ ରହିଛି । କେତେକ ଜୋନରେ କେଉଁଠି ବିଜେପି ଆଗରେ ଅଛି ତ ଆଉ କେଉଁଠି ବିଜେଡି ଆଗରେ ଅଛି । ସେପଟେ ବିଜେପି ଓ କଂଗ୍ରେସ ମଧ୍ୟ କେତେକ ସ୍ଥାନରେ ଖାତା ଖୋଲିବାରେ ସକ୍ଷମ ହୋଇନାହିଁ ।
ରାୟଗଡା, ଗଜପତି, କେନ୍ଦ୍ରାପଡା, ଝାରସୁଗୁଡା, ଭଦ୍ରକ, ଦେବଗଡ଼, ଜଗତସିଂହପୁର, ଯାଜପୁର,କୋରାପୁଟ, ମାଲକାନଗିରି, ନବରଙ୍ଗପୁର, ନୟାଗଡ଼, ନୂଆପଡା, ପୁରୀ, ସୋନପୁରରେ ବିଜେପି ଏପର୍ଯ୍ୟନ୍ତ ଗୋଟିଏ ବି ସିଟରେ ଖାତା ଖୋଲି ପାରିନି। ପ୍ରାୟ 15ଟି ଜିଲ୍ଲାରେ ଖାତା ଖୋଲି ପାରିନଥିବା ଦେଖିବାକୁ ମିଳିଛି ।