ଭୁବନେଶ୍ବର: ପରୀକୁ ନ୍ୟାୟ ଦାବିରେ ବିଧାନସଭା ସମ୍ମୁଖରେ ବିକ୍ଷୋଭ ପ୍ରଦର୍ଶନ କରିବାକୁ ଆସୁଥିବା ବିଜେପି କର୍ମୀକୁ ଉଠାଇ ନେଲା ପୋଲିସ । ଚର୍ଚ୍ଚିତ ପରୀକୁ ନ୍ୟାୟ ଦାବିରେ ଉଠୁଛି ପଡୁଛି ଗୃହ । ବିରୋଧୀ ଗୃହକୁ ଅଚଳ କରୁଥିବା ବେଳେ ବାହାରେ ମଧ୍ୟ ବିକ୍ଷୋଭ ଜାରି ରହିଛି ।
ସେହିପରି ଶୁକ୍ରବାର ବିଧାନସଭା ସମ୍ମୁଖରେ ପରୀକୁ ନ୍ୟାୟ ଦେବା ପାଇଁ ବାଇକରେ କିଛି ଯୁବକ ଆସୁଥିବା ସମୟରେ ପୋଲିସ ସେମାନଙ୍କ ଉଠାଇନେଇଛି । ଏହାସହ ବିଧାନସଭା ସମ୍ମୁଖରେ ପୋଲିସ ସୁରକ୍ଷାକୁ କଡାକଡି କରାଯାଇଛି । ଏପରିକି ବିଧାନସଭା ସାମ୍ନାରେ ଆସୁଥିବା ଲୋକମାନଙ୍କ ପୋଲିସ ପଚରାଉଚରା କରୁଛି । ପରୀ ମୃତ୍ୟୁକୁ ନେଇ ସରକାର ମଧ୍ୟ ଏବେ ହରଡଘଣାରେ ପଡିଛନ୍ତି । ସେଥିପାଇଁ ପୋଲିସ ଅଧିକରୁ ଅଧିକ ତତ୍ପର ହେଉଛି ।
ଭୁବନେଶ୍ବରରୁ ତପନ ଦାସ, ଇଟିଭି ଭାରତ