ଭୁବନେଶ୍ବର: ବ୍ରଜରାଜନଗର ଉପନିର୍ବାଚନ ଉଷ୍ମତା ଆରମ୍ଭ ହେଲାଣି । ଶାସକ ଦଳ ଠାରୁ ବିରୋଧୀ ସମସ୍ତେ ଜୋରଦାର ପ୍ରୟାସ ଆରମ୍ଭ କରିଛନ୍ତି। ବ୍ରଜରାଜନଗର ଉପନିର୍ବାଚନରେ ବିଜେପି ପ୍ରାର୍ଥି ରାଧାରାଣୀ ପଣ୍ଡାଙ୍କୁ ନିର୍ବାଚନମଣ୍ଡଳୀବାସୀ ବିଜୟ କରିବେ । କାରଣ ବିଜେଡି ଶାସନକୁ ଆସିବା ପରେ ସେଠାରେ ଏକ ପାଉଁଶ ପାହାଡ ସୃଷ୍ଟି ହେଲାଣି ବୋଲି କହିଛନ୍ତି ବିଜେପି ବିଧାୟକ ନାଉରୀ ନାୟକ ।
ଆଜି ବିଧାୟକ ନାଉରୀ କହିଛନ୍ତି ବ୍ରଜରାଜନଗରରେ ପାଉଁଶ ପାହାଡ ସୃଷ୍ଟି ହେବା ଦ୍ବାରା ପରିବେଶ ପ୍ରଦୂଷିତରେ ଲୋକ ଅତିଷ୍ଠ ହୋଇଗଲେଣି । କୌଣସି ସ୍ଥାନୀୟ ନିଯୁକ୍ତି ନାହିଁ । ଶିଳ୍ପାନୁଷ୍ଠାନ ମାନଙ୍କୁ ଜିଲ୍ଲା ପ୍ରଶାସନ କବଜା କରି ଚାରି ଆଡେ ପାଉଁଶ ଢାଳି ଚାଲିଛନ୍ତି । ଲୋକ ମାନେ ତାହାର ପ୍ରତିବାଦ କରିପାରୁନାହାନ୍ତି କି ସହି ପାରୁନାହାନ୍ତି । ଏହାସହ ଅଞ୍ଚଳରେ ଆହୁରି ଅନେକ ସମସ୍ୟା ରହିଛି ।