ଭୁବନେଶ୍ବର: ପ୍ରକାଶ ପାଇଛି 5 ରାଜ୍ୟର ବିଧାନସଭା ନିର୍ବାଚନର ଫଳାଫଳ । 4 ରାଜ୍ୟରେ ନିଜ ଗଡ ରକ୍ଷା କରିବାରେ ସଫଳ ହୋଇଛି ବିଜେପି । ବିଜୟ ଉତ୍ସବରେ ସାମିଲ ହୋଇ ଦଳୀୟ ନେତା କର୍ମୀଙ୍କୁ ସମ୍ବୋଧିତ କରିବା ସହ ଏହି ବିଜୟ 2024 ଫଳାଫଳ ପାଇଁ ସଂକେତ ବୋଲି ପ୍ରଧାନମନ୍ତ୍ରୀ କହିଛନ୍ତି । ଏହାକୁ ନେଇ ଦେଶର ରାଜନୀତି ଜୋର ଧରିଛି । ବିଜେଡି ମଧ୍ୟ ପ୍ରତିକ୍ରିୟା ରଖିଛି ।
ଓଡିଶାରେ ପଡିବନି ବିଜେପିର ବିଜୟ ପ୍ରଭାବ: BJD ଉପସଭାପତି ଦେବୀ ମିଶ୍ର
ବିଜେଡି ଉପସଭାପତି ଦେବି ମିଶ୍ର କହିଛନ୍ତି , ଉତ୍ତର ପ୍ରଦେଶ ସମେତ 5 ଟି ରାଜ୍ୟର ବିଧାନସଭା ନିର୍ବାଚନର ଫଳ ପ୍ରକାଶ ପାଇଛି । 4ଟି ବିଜେପି ସପକ୍ଷରେ ଯାଇଛି । ଯେଉଁଠାରେ ପୂର୍ବରୁ ବିଜେପି ସରକାରରେ ଥିଲା । ସେଇଟାକୁ ବିଜେପି ରିପିଟ କରିଛି । ପଞ୍ଜାବକୁ ଛାଡି ଦେଲେ ଗେରୁଆ ଦଳ ୟୁପି, ଉତ୍ତରାଖଣ୍ଡ, ଗୋଆ ଓ ମଣିପୁରରରେ ବିଜୟ ହାସଲ କରିଛି । ଏହା ପୂର୍ବରୁ ଆକଳନ କରାଯାଉଥିଲା । ଏକଜିଟ ପୋଲ ବି ତାହା ଦର୍ଶାଉଥିଲା । କେବଳ ପଞ୍ଜାବରେ ପଲିଟିକାଲ ଚେଞ୍ଜ ହୋଇଛି ।