ଭୁବନେଶ୍ବର: କୋରୋନା ମହାମାରୀ ମଧ୍ୟରେ କାୟା ମେଲାଇଛି ଡେଙ୍ଗୁ । ରାଜ୍ୟ ରାଜଧାନୀରେ ବ୍ୟାପିବାରେ ଲାଗିଛି ଡେଙ୍ଗୁ ଜ୍ବର । ଯାହାକୁ ନେଇ ସରକାରଙ୍କୁ ଟାର୍ଗେଟ କରୁଛନ୍ତି ବିରୋଧୀ । ସରକାରଙ୍କ ଅବହେଳା ଯୋଗୁଁ ରାଜଧାନୀରେ ଡେଙ୍ଗୁ ଆତଙ୍କ ଖେଳାଇଥିବା ଅଭିଯୋଗ କରି ଶୁକ୍ରବାର ବିଜେପି ଭୁବନେଶ୍ବରର ବିଭିନ୍ନ ସ୍ଥାନରେ ବିକ୍ଷୋଭ ପ୍ରଦର୍ଶନ କରିଛି ।
ଡରାଉଛି ଡେଙ୍ଗୁ, ରାଜ୍ୟ ସରକାରଙ୍କ ବିରୁଦ୍ଧରେ ବିଜେପିର ନାରାବାଜି
କଳ୍ପନା ଛକ, ମାଷ୍ଟରକ୍ୟାଣ୍ଟିନ, ସିଆରପି, ଡମଣା, ଇନ୍ଦ୍ରଧନୁ ମାର୍କେଟ ଆଦି 12ଟି ସ୍ଥାନରେ ଦଳ ପକ୍ଷରୁ ବିକ୍ଷୋଭ କରାଯାଇଛି । ବିଜେପି ବିକ୍ଷୋଭ ପ୍ରଦର୍ଶନ କରିବା ସହ ଲୋକଙ୍କୁ ସଚେତନ ମଧ୍ୟ କରାଉଛି । ଯେତେବେଳେ ସରକାର ସ୍ଥାଣୁ ପାଲଟିଛନ୍ତି ସେତେବେଳେ ଭାରତୀୟ ଜନତା ପାର୍ଟିର କାର୍ଯ୍ୟକର୍ତ୍ତା ଲୋକଙ୍କୁ ସଚେତନତା କରିବା ସହିତ ସେବା ଓ ଚିକିତ୍ସାର ଦାୟିତ୍ୱ ନେବ ବୋଲି ଦଳ କହିଛି ।