ଭୁବନେଶ୍ବର: ରାଜ୍ୟରେ CCTV କିଣା ଦୁର୍ନୀତିର ଗନ୍ଧ ବାରିଲା ବିଜେପି । ଏନେଇ ସାମ୍ବାଦିକ ସମ୍ମିଳନୀ କରି ଦଳ ରାଜ୍ୟ ସରକାରଙ୍କୁ ଘେରିଛି । ସରକାର ୧୦୦ କୋଟି ବଦଳରେ ୧୦୪ କୋଟିର ଟେଣ୍ଡର କରିଥିବା ବେଳେ ଥାନା ପିଛା ୬ ଲକ୍ଷ ଟଙ୍କା ବଦଳରେ ୧୫ ଲକ୍ଷ ଟଙ୍କା ଖର୍ଚ୍ଚ କରୁଛନ୍ତି ବୋଲି ଅଭିଯୋଗ କରିଛି ବିଜେପି ।
ସିସିଟିଭି କିଣାରେ ଦୁର୍ନୀତି ନେଇ ରାଜ୍ୟ ସରକାରଙ୍କୁ ଘେରିଲା ବିଜେପି
ଏହି ସାମ୍ବାଦିକ ସମ୍ମିଳନୀରେ ମୟୂରଭଞ୍ଜର ୩ଟି ବିଧାୟକ ଉପସ୍ଥିତ ରହି ରାଜ୍ୟ ସରକାରଙ୍କୁ ଟାର୍ଗେଟ କରିଛନ୍ତି । ରାଜ୍ୟର 593ଟି ଥାନାରେ ସିସିଟିଭି ଲଗାଇବାରେ ଦୁର୍ନୀତି ହୋଇଥିବା ନେଇ ସାଙ୍ଘାତିକ ଅଭିଯୋଗ ଆଣିଲା ବିଜେପି । ଥାନା ଗୁଡିକରେ ସ୍ବଚ୍ଛତା ଆଣିବା ପାଇଁ ସିସିଟିଭି ଲଗାଇବାରେ ବ୍ୟବସ୍ଥା କରିଥିଲେ ସରକାର । କେନ୍ଦ୍ର ସରକାର ଏଥିପାଇଁ ଟଙ୍କା ମଧ୍ୟ ଦେଇଥିଲେ । କିନ୍ତୁ ଏଥିରେ ବ୍ୟାପକ ଦୁର୍ନୀତି ହୋଇଥିବା ନେଇ ବିଜେପି ଅଭିଯୋଗ କରିଛି । ଟେଣ୍ଡରର ଧାର୍ଯ୍ୟ ମୂଲ୍ୟଠାରୁ ଅଧିକ ଟଙ୍କାରେ ଟେଣ୍ଡର ଆହ୍ବାନ କରିଛନ୍ତି ରାଜ୍ୟ ସରକାର ।