ଭୁବନେଶ୍ବର: ବିଜେପି ସିବିଆଇର ଦ୍ବାରସ୍ଥ ହେବ। ରାଜ୍ୟରେ ଆଇନ ଶୃଙ୍ଖଳା ପରିସ୍ଥିତି ବିପର୍ଯ୍ୟସ୍ତ ହୋଇପଡିଲାଣି। ନବରଙ୍ଗପୁର କୋଷାଗୁମୁଡ଼ା ଘଟଣା କେବଳ ନାବାଳିକାକୁ ହତ୍ୟା ନୁହେଁ ଏହା ଏକ ଗଣଦୁଷ୍କର୍ମ ଘଟଣା ବୋଲି ବିଜେପି ଅଭିଯୋଗ କରିଆସୁଛି । ମାତ୍ର ଜାଣିଶୁଣି ଏହି ସମ୍ବେଦନଶୀଳ ଘଟଣାକୁ ଚାପି ଦେବାକୁ ବସିଛି ଜିଲ୍ଲା ପ୍ରଶାସନ ।
'ମୁଖ୍ୟମନ୍ତ୍ରୀ ମହିଳାମାନଙ୍କୁ ସୁରକ୍ଷା ଦେବାରେ ସମ୍ପୂର୍ଣ୍ଣ ବିଫଳ'
ରାଜ୍ୟ ସରକାରଙ୍କ ଏଜେଣ୍ଟ ଭାବେ ଶାସନ କଳ କାର୍ଯ୍ୟ କରୁଛି ବୋଲି ବିଜେପି ଅଭିଯୋଗ କରିଛି । ଯାହାଫଳରେ ମହିଳାମାନେ ଅସୁରକ୍ଷିତ ମନେ କରୁଛନ୍ତି । ମୁଖ୍ୟମନ୍ତ୍ରୀ ମହିଳାମାନଙ୍କୁ ସୁରକ୍ଷା ଦେବାରେ ସମ୍ପୂର୍ଣ୍ଣ ବିଫଳ ବୋଲି ବିଜେପି କହିଛି।