ଭୁବନେଶ୍ବର: ରାଜ୍ୟ ସରକାରଙ୍କ ମାନସିକତା ପାଇଁ ରାଜ୍ୟରେ ଏଭଳି ବନ୍ୟା ପରିସ୍ଥିତି ଉପୁଜୁଛି କହିଲା ରାଜ୍ୟ ବିଜେପି । ଦଳୀୟ ସାଧାରଣ ସମ୍ପାଦିକା ଲେଖାଶ୍ରୀ ସାମନ୍ତସିଂହାର ଆଜି ଏହି ଅଭିଯୋଗ ଆଣିଛନ୍ତି । ବନ୍ୟା ଓ ଜଳ ପରିଚାଳନା ନେଇ ଆଜି ଛତିଶଗଡ ଓଡିଶା ମୁଖ୍ୟ ଶାସନ ସଚିବସ୍ତରୀୟ ବୈଠକ ବସିଛି । ତେବେ ବୈଠକ ପୂର୍ବରୁ ଆଜି ବିଜେପି ରାଜ୍ୟ ସରକାରଙ୍କୁ ଘେରିଛି । ବିଜେପି ରାଜ୍ୟ ସାଧାରଣ ସମ୍ପାଦିକା ଲେଖାଶ୍ରୀ ସାମନ୍ତସିଂହାର କହିଛନ୍ତି, "ଆରୋପ ପ୍ରତ୍ୟାରୋପକୁ ବାଦ ଦେଇ ରାଜ୍ୟ ସରକାର ଓଡିଶାବାସୀଙ୍କ ପାଣି ପ୍ରାପ୍ୟ ଦେବା ସହ ବନ୍ୟାରୁ ସୁରକ୍ଷା ଦେବା ରାଜ୍ୟ ସରକାରଙ୍କ ଦାୟିତ୍ୱ।"
ଦୁଇ ରାଜ୍ୟର ବନ୍ୟା ପରିଚାଳନା ମୁକାବିଲାର ତ୍ରିପାକ୍ଷିକ ବୈଠକ ମଧ୍ୟ ସରିଛି । କିନ୍ତୁ ରାଜ୍ୟ ସରକାର ତାଙ୍କର ଭୁଲ ନିଷ୍ପତ୍ତି ଓ ରାଜନୀତିକରଣ ଧାରାରେ ଦୋଷ ଲଢିବା କାରଣରୁ ଆଜି ଓଡିଶାବାସୀ ବନ୍ୟା ପରିସ୍ଥିତି ଭୋଗୁଛନ୍ତି । ରାଜ୍ୟ ସରକାରଙ୍କ ମାନସିକତା ପାଇଁ ଆଜି ଏଭଳି ପରିସ୍ଥିତି ମଧ୍ୟ ଉପୁଜୁଛି । ସମାଧାନ ଜଣା ଅଛି ତେଣୁ ରାଜ୍ୟ ସରକାର ଏ ଦିଗରେ ପ୍ରଚେଷ୍ଟା କରନ୍ତୁ । ଆଉ କଣ ପାଇଁ ଏ ଦିଗରେ ଶିଥିଳତା ଅବଲମ୍ବନ କରୁଛନ୍ତି ଉତ୍ତର ରଖନ୍ତୁ ବୋଲି କହିଛନ୍ତି।