ଭୁବନେଶ୍ବର:ବିଜେପି ଯୁବ ନେତାଙ୍କୁ ଗିରଫ ପ୍ରତିବାଦରେ ଲକ୍ଷ୍ମୀସାଗର ଥାନା ସମ୍ମୁଖରେ ଚାଲିଥିବା ଆନ୍ଦୋଳନକୁ ସ୍ଥଗିତ ରଖିଲା ବିଜେପି । ଗତ ଶୁକ୍ରବାର ହୋଇଥିବା ଗଣ୍ଡଗୋଳରେ ଜାଣିଶୁଣି ଚାପରେ ଆସି ବିଜେପିର ଯୁବ ନେତାଙ୍କୁ ଗିରଫ କରିଥିବା ବିଜେପି ଅଭିଯୋଗ କରିଥିଲା । ପୋଲିସ ଏକପାଖିଆ କାର୍ଯ୍ୟାନୁଷ୍ଠାନ ନେଉଥିବା ଅଭିଯୋଗ କରି ଏହାର ପ୍ରତିବାଦରେ ସନ୍ଧ୍ୟାରୁ ଧାରଣାରେ ବସିଥିଲେ ବିଜେପି ନେତା ଜଗନ୍ନାଥ ପ୍ରଧାନ ଓ ଜିଲ୍ଲା ସଭାପତି ବାବୁ ସିଂ । ଉଭୟ ନେତାଙ୍କୁ ନେଇ ପୋଲିସ ଆଲୋଚନା କରିଥିଲା ।
ଲକ୍ଷ୍ମୀସାଗର ଥାନା ସାମ୍ନାରେ ହିଂସାକାଣ୍ଡ ଘଟଣା, ଆନ୍ଦୋଳନ ସ୍ଥଗିତ ରଖିଲା ବିଜେପି
ଆଲୋଚନାରେ ଖୁବଶୀଘ୍ର ଅନ୍ୟ ଅଭିଯୁକ୍ତଙ୍କୁ ଗିରଫ କରାଯିବ ବୋଲି ପ୍ରତିଶ୍ରୁତି ଦେଇଛି ପୋଲିସ । ଏଥିପାଇଁ 24 ଘଣ୍ଟାର ମହଲତ ମାଗିଛି । ତେଣୁ ବିଜେପି ଆନ୍ଦୋଳନକୁ ସ୍ଥଗିତ ରଖିଛି । ଯଦି 24 ଘଣ୍ଟାରେ ସେଭଳି କିଛି କାର୍ଯ୍ୟାନୁଷ୍ଠାନ ଗ୍ରହଣ ନ କରାଯାଏ ତେବେ ପୁଣି ଆନ୍ଦୋଳନକୁ ଓହ୍ଲାଇବ ବୋଲି ଦଳ ଚେତାବନୀ ଦେଇଛି ।