ଭୁବନେଶ୍ବର: ଧିରେ ଧିରେ ଓଡିଶାକୁ କମୁଛି ପିଏମ କିଷାନ ଯୋଜନାର କିସ୍ତି । ପ୍ରଥମ କିସ୍ତିରେ 37 ଲକ୍ଷ, ଦ୍ଵିତୀୟ କିସ୍ତିରେ 31 ଲକ୍ଷ, ତୃତୀୟରେ 23 ଲକ୍ଷ 97 ହଜାର, ଚତୁର୍ଥରେ 20ଲକ୍ଷ 76 ହଜାର, ପଞ୍ଚମରେ 17 ଲକ୍ଷ 70 ହଜାର ଓ ଷଷ୍ଠ କିସ୍ତିରେ 4 ଲକ୍ଷ 70 ହଜାର ଟଙ୍କା ପାଇଛି ରାଜ୍ୟ । ତେବେ ଏହି କିସ୍ତି କମିବା ନେଇ ରାଜ୍ୟ ସରକାରଙ୍କୁ ଦାୟୀ କରିଛି ବିଜେପି ।
ଓଡିଶାକୁ କମୁଛି ପିଏମ କିଷାନ କିସ୍ତି, ରାଜ୍ୟ ସରକାରଙ୍କୁ ଦାୟୀ କଲା ବିଜେପି
ବିଜେପି ରାଜ୍ୟ ସଭାପତି ସମୀର ମହାନ୍ତି ପ୍ରେସମିଟ୍ କରି ଏନେଇ ସରକାରଙ୍କୁ ଦାୟୀ କରିଛନ୍ତି । ସରକାର ଯେଉଁ ଚିଠା ଦେଇଛନ୍ତି କେନ୍ଦ୍ର ସେହି ଅନୁସାରେ ଟଙ୍କା ଦେଉଛି ଦର୍ଶାଇ ରାଜ୍ୟ ସରକାରଙ୍କୁ ଘେରିଛନ୍ତି ସେ ।
ସେହିପରି ସାର କଳାବଜାରୀ କଥା ଉଠାଇ ଏଥିପ୍ରତି ସରକାର ଧ୍ୟାନ ଦିଅନ୍ତୁ ବୋଲି ମଧ୍ୟ ସେ କହିଛନ୍ତି । ଏହାସହ ଚାଷୀକୂଳ ଯେଉଁ ସ୍ଥିତିରେ ଅଛନ୍ତି ସେମାନଙ୍କ ପାଇଁ ଏବେ ସହାୟତା ଜରୁରୀ ବୋଲି ବିଜେପି ସଭାପତି କହିଛନ୍ତି।