ଭୁବନେଶ୍ବର: ବାଜିଲା ବିଜେପୁର ବିଗୁଲ । ଉପନିର୍ବାଚନ ପାଇଁ ଘୋଷଣା ହେଲା ତାରିଖ । ଅକ୍ଟୋବର 21ରେ ନିର୍ବାଚନ ହେବାକୁ ଥିବାବେଳେ 24ରେ ଗଣତି ହେବ । ସେପ୍ଟେମ୍ବର 23ରୁ ସେପ୍ଟେମ୍ବର 30 ତାରିଖ ପର୍ଯ୍ୟନ୍ତ ନାମାଙ୍କନ ଦାଖଲ କରାଯିବ । ଏଥିଲାଗି ସବୁ ଦଳ ନିଜ ପ୍ରାର୍ଥୀ ଖୋଜିବାରେ ବ୍ୟସ୍ତ । ବିଜେଡି ଓ କଂଗ୍ରେସ ଏନେଇ ରଣନୀତି ପ୍ରସ୍ତୁତ କରୁଥିବାବେଳେ ବିଜେପି ମଧ୍ୟ ପଛରେ ପଡିନି ।
ବିଜେପି ଏଠାରୁ କାହାକୁ ପ୍ରାର୍ଥୀ କରିବ ତାକୁ ନେଇ ଦ୍ବନ୍ଦ୍ବରେ ଥିବାବେଳେ ଦିନେ ଦୁଇ ଦିନ ଭିତରେ ନାମ ଚୂଡାନ୍ତ କରି କେନ୍ଦ୍ରୀୟ କମିଟିକୁ ପଠାଯିବ ବୋଲି ଦଳ ସଭାପତି ବସନ୍ତ ପଣ୍ଡା କହିଛନ୍ତି । ଏହାସହ ଦଳ ଏଠାରେ ଜୋରଦାର ଲଢେଇ କରିବ ବୋଲି ସେ କହିଛନ୍ତି । ରାଜ୍ୟସରକାରଙ୍କ ବିଫଳତାକୁ ଲୋକଙ୍କ ପାଖରେ ଜଣାଇ ଭୋଟ ହାତେଇବୁ ବୋଲି ସେ କହିଛନ୍ତି ।
ଭିଡିଓ ସୌଜନ୍ୟ: ସମ୍ବାଦଦାତା, ଭୁବନେଶ୍ବର