ଭୁବନେଶ୍ବର: ଓଡିଶାରେ ପହଞ୍ଚିଛନ୍ତି ବିଜେପି ପ୍ରଭାରୀ ଡି ପୁରନ୍ଦେଶ୍ବରୀ । ଏୟାର ଏସିଆ ବିମାନ ଯୋଗେ ସେ ଭୁବନେଶ୍ବରରେ ପହଞ୍ଚିଛନ୍ତି । ଦଳର ଦୁଇ ଦିନିଆ କାର୍ଯ୍ୟକାରିଣୀରେ ଯୋଗଦେବାକୁ ପୁରନ୍ଦେଶ୍ବରୀ ଓଡିଶା ଆସିଥିବା ଜଣାପଡିଛି ।
ଆଜି(ଶନିବାର) ଦଳୀୟ କାର୍ଯ୍ୟାଳୟରେ ଦଳର ପଦାଧିକାରୀଙ୍କ ସହିତ ବସିବାକୁ ଥିବା ବୈଠକରେ ଯୋଗଦେବେ । ସେହିପରି ଆସନ୍ତାକାଲି କାର୍ଯ୍ୟକାରିଣୀରେ ଯୋଗଦେଇ ନେତାଙ୍କୁ ଗୁରୁମନ୍ତ୍ର ଦେବେ । ତେବେ ପୁରନ୍ଦେଶ୍ବରୀ ଭୁବନେଶ୍ବର ବିମାନ ବନ୍ଦରରେ ପହଞ୍ଚିବା ପରେ ତାଙ୍କୁ ମୁଖପାତ୍ର ଗୋଲକ ମହାପାତ୍ର, ବରିଷ୍ଠ ନେତ୍ରୀ ପ୍ରଭାତୀ ପରିଡା ଓ ଅନ୍ୟ ନେତୃବୃନ୍ଦ ସ୍ବାଗତ କରିଛନ୍ତି ।