ଭୁବନେଶ୍ବର: ପରୀ ପାଇଁ ବିଜେପିର ପଦଯାତ୍ରା । ପରୀକୁ ନ୍ୟାୟ ଦାବିରେ ଭୁବନେଶ୍ବରରୁ ନୟାଗଡ ଯଦୁପୁର ଅଭିମୁଖେ ବାହାରିଛି ବିଜେପିର ପଦଯାତ୍ରା । ଏକାମକ୍ଷେତ୍ର ଲିଙ୍ଗରାଜଙ୍କ ଆଜ୍ଞାମାଳ ନେଇ ବିଜେପି ଏହି ପଦଯାତ୍ରାରେ ବାହାରିଛି ।
ଆଜି(ରବିବାର) ବିଜେପି ପକ୍ଷରୁ 5 ଦିନିଆ ପଦଯାତ୍ରା ଆରମ୍ଭ ହୋଇଛି । ଆଜିଠାରୁ ଆସନ୍ତା 24 ତାରିଖ ଯାଁଏ ଏହି ପଦଯାତ୍ରା ଚାଲିବ । ପରୀକୁ ନ୍ୟାୟ ଦେବା ଦାବିରେ ପଦଯାତ୍ରା ଭୁବନେଶ୍ବର ଲିଙ୍ଗରାଜ ମନ୍ଦିରରୁ ନୟାଗଡ଼ ପରୀ ଗାଁ ଯଦୁପୁର ଅଭିମୁଖେ ଏହି ବିଶାଳ ପଦଯାତ୍ରା ବାହାରିଛି ।
ପରୀକୁ ନ୍ୟାୟ ଦାବିରେ ବିଜେପିର 5 ଦିନିଆ ପଦଯାତ୍ରା
ପରୀ ହତ୍ୟାକାଣ୍ଡର ସିବିଆଇ ତଦନ୍ତ ଏବଂ ନୟାଗଡ଼ ବିଧାୟକ ତଥା ମନ୍ତ୍ରୀ ଅରୁଣ ସାହୁଙ୍କୁ ବହିଷ୍କାର କରିବା ଦାବିରେ ଜିଦରେ ଅଟଳ ବିଜେପି । ଏହି ୫ ଦିନିଆ ପଦଯାତ୍ରାରେ ପ୍ରାୟ ୯୮ କିମି ପଦଯାତ୍ରା କରିବ ବିଜେପି । ପ୍ରତିଦିନ ପ୍ରାୟ ୨୦ କିମି ରାସ୍ତା ପଦଯାତ୍ରା ଅତିକ୍ରମ କରିବ ବିଜେପି ।