ଭୁବନେଶ୍ବର: ବହୁଚର୍ଚିତ ଚିଟଫଣ୍ଡ କମିଶନ ବନ୍ଦ ପ୍ରସଙ୍ଗରେ ବିଜେପିର ପ୍ରତିକ୍ରିୟା । ଚିଟଫଣ୍ଡ କମିଶନ ବନ୍ଦ ପ୍ରସଙ୍ଗରେ ବିଜେପି ମୁଖପାତ୍ର ଗୋଲଖ ମହାପାତ୍ର ରାଜ୍ୟ ସରକାରଙ୍କୁ ଟାର୍ଗେଟ କରିଛନ୍ତି। ସେ କହିଛନ୍ତି, ରାଜ୍ୟ ସରକାର ନାଟକ କରିଛନ୍ତି। ନିର୍ବାଚନ ବୈତରଣୀ ପାରି ହେବା ପାଇଁ ରାଜ୍ୟ ସରକାର କ୍ଷୁଦ୍ର ଜମାକାରୀ ଟଙ୍କା ଫେରି ପାଇବା ନେଇ ନାଟକ କରିଥିଲେ।
‘ଚିଟଫଣ୍ଡରେ ରାଜ୍ୟ ସରକାର ନିଜେ ଜଡିତ’
ଏହାସହ ସେ କହିଛନ୍ତି, ରାଜ୍ୟ ସରକାର ନିଜେ ଚିଟଫଣ୍ଡ ସ୍କାମରେ ଜଡିତ ଅଛନ୍ତି । ନିର୍ବାଚନ ଥିଲା ତେଣୁ କମିଶନ କରିଲେ । ନିର୍ବାଚନ ମୈଦାନରେ ଜିତିବା ପାଇଁ ଗୋଟିଏ ଟୁଲ ହିସାବରେ ବ୍ୟବହାର କଲେ। କର୍ପସ ଫଣ୍ଡ ଗଠନ କଲେ ହେଲେ ଲୋକେ ଟଙ୍କା ପାଇଲେ ନାହିଁ ଏଥିରୁ ସ୍ପଷ୍ଟ ପ୍ରମାଣିତ ହୋଇଛି ଯେ ରାଜ୍ୟରେ ବିଜେଡି ସରକାର ଜମାକାରୀଙ୍କ ସହ ଖେଳ ଖେଳିଛନ୍ତି।