ଭୁବନେଶ୍ବର: କୋରୋନା ପରେ ରାଜଧାନୀବାସୀଙ୍କ ପାଇଁ ଚିନ୍ତା ବଢାଇଲାଣି ଡେଙ୍ଗୁ । ହେଲେ ଭୁବନେଶ୍ବର ମହାନଗର ନିଗମ ଓ ରାଜ୍ୟ ସରକାର ଏ ସମସ୍ୟା ପ୍ରତି ଆଖି ବୁଜି ଦେଇଛନ୍ତି । ଏପରି ଅଭିଯୋଗ ଆଣି ଭୁବନେଶ୍ବର ସାଙ୍ଗଠନିକ ଜିଲ୍ଲା ବିଜେପି ପକ୍ଷରୁ ବିକ୍ଷୋଭ ପ୍ରଦର୍ଶନ କରାଯାଇଛି ।
ମୁଖ୍ୟତଃ ଡେଙ୍ଗୁ ପାଇଁ ସ୍ବତନ୍ତ୍ର ପ୍ୟାକେଜ ଘୋଷଣା କରାଯାଉ ,ମଶା ତେଲ,ମଶା ଧୂଆଁ ସବୁ ସ୍ଥାନରେ ବ୍ୟବହାର କରି ଲୋକଙ୍କୁ ଡେଙ୍ଗୁରୁ ରକ୍ଷା କରିବା ପାଇଁ କାର୍ଯ୍ୟକ୍ରମ ହାତକୁ ନେଉ ପ୍ରଶାସନ । ନଚେତ କୋରନା ଠାରୁ ଡେଙ୍ଗୁ ଭୟଙ୍କର ରୂପ ନେବ ବୋଲି କହିଛି ଦଳ । ଆଜିର ଏହି ବିକ୍ଷୋଭ ସମୟରେ ସହ ବିଭିନ୍ନ ବସ୍ତି ବୁଲି ମଶା ତେଲ ଏବଂ ବ୍ଲିଚିଂ ପାଉଡର ପକାଇ ଲୋକଙ୍କୁ ସଚେତନ କରିଛନ୍ତି ଭୁବନେଶ୍ବର ବିଜେପିର କର୍ମୀ । ଅନ୍ୟପଟେ ସେ ଶୈଳଶ୍ରୀ ବିହାରରେ ହୋଇଥିବା ଅଭିଯୋଗ ଅନୁସାରେ ଡେଙ୍ଗୁରେ ପ୍ରାଣ ହରାଇଥିବା ନାବାଳିକା ପରିବାରକୁ ମଧ୍ୟ ଭେଟିଛନ୍ତି ବିଜେପି କର୍ମକର୍ତ୍ତା । ଏହି ବିକ୍ଷୋଭ ଓ ସଚେତନତା କାର୍ଯ୍ୟକ୍ରମ ଭୁବନେଶ୍ବର ସାଙ୍ଗଠନିକ ଜିଲ୍ଲା ସଭାପତି ବାବୁ ସିଂଙ୍କ ନେତୃତ୍ବରେ ହୋଇଥିଲା ।
ଭୁବନେଶ୍ବରରୁ ଦେବସ୍ମିତା ରାଉତ, ଇଟିଭି ଭାରତ
