ଭୁବନେଶ୍ବର: ପଶ୍ଚିମ ଓଡ଼ିଶା ବିକାଶ ପରିଷଦ ପ୍ରତି ଅବହେଳା ପ୍ରସଙ୍ଗରେ ରାଜ୍ୟପାଳଙ୍କୁ ଭେଟିଲେ ବିଜେପି ପ୍ରତିନିଧି ଦଳ । ପଶ୍ଚିମ ଓଡିଶା ବିକାଶ ପରିଷଦ ଏକ ଥଇଥାନ କେନ୍ଦ୍ର ପାଲଟିଛି ବୋଲି ଅଭିଯୋଗ କରିଛନ୍ତି ବିଜେପି ବିଧାୟକ । ପଶ୍ଚିମ ଓଡିଶାର ବିଜେପି ବିଧାୟକ ଓ ନେତା କର୍ମୀ ସାମିଲ ହୋଇ ରାଜଭବାନ ଆଗରେ ବିରୋଧ ପ୍ରଦର୍ଶନ କରିଥିଲେ ।
ପଶ୍ଚିମ ଓଡ଼ିଶା ବିକାଶ ପରିଷଦ ପ୍ରତି ଅବହେଳା ପ୍ରସଙ୍ଗରେ ରାଜ୍ୟପାଳଙ୍କୁ ଭେଟିଲେ ବିଜେପି ପ୍ରତିନିଧି ଦଳ। ସଭାପତି ସମୀର ମହାନ୍ତିଙ୍କ ନେତୃତ୍ଵରେ ପଶ୍ଚିମ ଓଡ଼ିଶା ବିଜେପିର ବିଧାୟକ ଓ ନେତା ମାନେ ଭେଟିଲେ। ମୁଖ୍ୟତ 4 ଦାବୀ ନେଇ ରାଜ୍ୟପାଳଙ୍କ ହସ୍ତକ୍ଷେପ ଲୋଢିଲେ ଦଳ। ବିକାଶ ପରିଷଦର କାର୍ଯ୍ୟାଳୟ ଭୁବନେଶ୍ବରରୁ ପଶ୍ଚିମ ଓଡିଶାକୁ ସ୍ଥାନାନ୍ତର ସହ ବିକାଶ ପରିଷଦର ପାଣ୍ଠିକୁ 1000 କୋଟିକୁ ବୃଦ୍ଧି କରାଯାଉ। ଏହା ସହ ପଶ୍ଚିମ ଓଡ଼ିଶାର ବିଧାୟକ ଏବଂ ସାଂସଦଙ୍କୁ ନେଇ ପୂର୍ଣ୍ଣାଙ୍ଗ କାଉନସିଲ୍ ଗଠନ କରାଯାଉ। ରାଜ୍ୟ ସରକାର ଏନେଇ କୌଣସି ପଦକ୍ଷେପ ନନେଲେ ଆଗାମୀ ଦିନରେ ପଶ୍ଚିମ ଓଡ଼ିଶାରେ ଉଗ୍ର ଆନ୍ଦୋଳନ କରିବ ଦଳ। ଏହି ଦାବୀ ନେଇ ଆଜି ଦିନ ତମାମ ରାଜଭବନ ସମ୍ମୁଖରେ ଧାରଣା ଦେଇଥିଲେ ପଶ୍ଚିମ ଓଡ଼ିଶା ବିଜେପିର ସମସ୍ତ ବିଧାୟକ ଓ ନେତା।